रेणापूर (जि. लातूर) : कुऱ्हाडीचे धाव घालून पत्नीचा खून केल्याची घटना घनसरगाव (ता. रेणापूर) शिवारात शनिवारी दुपारी ४ वाजण्याच्या सुमारास घडली. पत्नीचा खून केल्यानंतर आराेपी पती हा रेणापूर पाेलिस ठाण्यात स्वत: हजर हाेत पत्नीचा खून केल्याची कबुली दिली. या घटनेने घनसरगावात एकच खळबळ उडाली आहे. याबाबत रेणापूर पाेलिस ठाण्यात गुन्हा दाखल करण्याची प्रक्रिया सुरू आहे.पाेलिसांनी सांगितले, घनसरगाव येथील चंद्रकांत बाबुराव मदने (वय ५५, रा. घनसरगाव) हे पत्नीसह घनसरगाव शिवारातच असलेल्या शेतात कामासाठी गेले होते. दरम्यान, त्या ठिकाणी दुपारच्या सुमारास पती चंद्रकांत मदने यांनी पत्नी मीराबाई चंद्रकांत मदने (वय ४५) हिला भूक लागली आहे, जेवण वाढ म्हटले. त्यावेळी बायकोने तुम्हीच हाताने घ्या, असे म्हटल्यानंतर पती आणि पत्नीमध्ये वाद झाला. संतप्त पतीने शिवीगाळ करत मारहाण केली. जवळच असलेल्या कुऱ्हाडीने चंद्रकांत मदने यांनी पत्नी मीराबाईच्या डोक्यात घाव घातले. यात गंभीर जखमी झालेली पत्नी जमिनीवर काेसळली. त्यानंतर पुन्हा चंद्रकांत याने रागात कुऱ्हाडीचे घाव घातले. यामध्येच मीराबाई मदनेचा जागीच मृत्यू झाला. पत्नीचा खून केल्यानंतर आराेपी पती चंद्रकांत मदने याने रेणापूर पाेलिस ठाणे गाठले आणि मी बायकोला ठार मारून आलाे आहे, असे पोलिसांना सांगितले. पोलिसांनी तातडीने त्याला ताब्यात घेत घटनेची माहिती गावचे पाेलिस पाटील आणि मुलाला फोनवरून सांगितली. पाेलिस पाटील आणि मुलाने ही घटना खरी असल्याचे पाेलिसांना सांगितले.
घटनास्थळी चाकूरचे उपविभागीय पोलिस अधिकारी राजेंद्र चौधर, रेणापूर ठाण्याचे पोलिस निरीक्षक सुधाकर देडे, पाेलिस उपनिरीक्षक डोईफोडे, घनसरगावचे बीट अंमलदार बालाजी डप्पडवाड यांनी भेट देत पंचनामा केला. याबाबत रेणापूर पाेलिस ठाण्यात गुन्हा दाखल करण्याची प्रक्रिया सुरू आहे. तपास रेणापूर पाेलिस करीत आहेत.
Web Summary : In Renapur, a husband murdered his wife with an axe after an argument about serving food. The husband surrendered to police, confessing to the crime. Police are investigating.
Web Summary : रेनापुर में, 'हाथ से खाओ' कहने पर पति ने पत्नी की कुल्हाड़ी से हत्या कर दी। आरोपी ने पुलिस के सामने आत्मसमर्पण कर दिया। पुलिस मामले की जांच कर रही है।