प्रभागनिहाय भाजी मार्केट उभारावे; पथदिवे तक्रार निवारण ऑनलाइन ॲप सेवेचा प्रारंभ

पालकमंत्री अमित देशमुख म्हणाले, महानगरपालिका व पोलीस प्रशासनाने गर्दीच्या ठिकाणी फेरीवाल्यांमुळे वाहतूक अडचणीत येणार नाही. त्यासाठी त्याचे योग्य व्यवस्थापन करून मार्ग काढावा. फुटपाथवरील अतिक्रमणे त्वरित काढून टाकावीत, वाहतुकीला अडथळा होतील त्या ठिकाणी हॉकर्स झोन करू नयेत, तीन पदरी रस्त्यांवर फेरीवाल्यांना व्यवसायासाठी परवानगी द्यावी, दोन पदरी रस्त्यांवर फेरीवाल्यांना परवानगी देण्यात येऊ नये. कारण त्या ठिकाणी गर्दी होऊन वाहतूक खोळबंते. नियमानुसारच फेरीवाल्यांना जागा द्यावी. जे कायद्यात बसेल ते सर्व फेरीवाल्यांना देणार असा शब्दही त्यांनी दिला. भविष्यात फेरीवाल्यांना शॉपिंग कॉम्प्लेक्स काढून देणार, बँकेकडून कर्ज देण्यासाठीसुद्धा प्रयत्न करण्यात येईल. फेरीवाल्याची प्रगती झाली पाहिजे; कारण सर्वसामान्य माणसाचे उदरनिर्वाहाचे साधन हा व्यवसाय आहे. महापािलकेच्या कोणकोणत्या ठिकाणी स्थिर फेरीवाल्यांना जागा देता येईल याचा प्रस्ताव तयार करावा, अशीही सूचना पालकमंत्र्यांनी यावेळी दिल्या.

महापालिकेच्या कर्मचाऱ्यांनी मानले आभार...

लातूर महानगरपालिकेच्या सेवेत कायम करण्यात आलेल्या रोजंदारी कर्मचारी व पदोन्नती देण्यात आलेल्या सर्व अधिकारी यांच्या वतीने अमित देशमुख यांचा सत्कार करण्यात आला. लातूर महानगरपालिकेतील रोजंदारी कर्मचारी व कर्मचारी यांच्या पदोन्नतीचा प्रश्न राज्याचे वैद्यकीय शिक्षण व सांस्कृतिक कार्यमंत्री तथा जिल्ह्याचे पालकमंत्री देशमुख यांनी नगरविकास मंत्रालयात पाठपुरावा करून मार्गी लावला आहे. त्यामुळे महापालिका कर्मचाऱ्यांनी त्यांची भेट घेऊन सत्कार केला.