लातूर : शहरातील बार्शी रोडवरील संविधान चौकातील सिग्नलवरून एका १७ वर्षीय तरुणीचे अपहरण महिनाभरापूर्वी झाले होते. सदरील तरुणीचा शोध लागला असून दरम्यानच्या काळात सोलापूरमधील बार्शी, पिंपरी चिंचवड येथे तिच्यावर अत्याचार करण्यात आल्याची तक्रार पीडितेच्या आईने एमआयडीसी पोलिस ठाण्यात दिली. त्यानुसार तिघांवर पोस्को कायद्याअंतर्गत गुन्हा दाखल करण्यात आला असून बार्शीतील एकास अटक केली आहे. मात्र, इतर दोघे अद्याप फरार असून पोलिस त्यांचा शोध घेत आहेत.
एमआयडीसीचे पोलिस निरीक्षक समाधान चवरे म्हणाले, लातूर शहरातून एका १७ वर्षीय मुलीचे १६ मे रोजी संविधान चौकातून अपहरण झाले होते. यासंदर्भात मुलीच्या आईने दिलेल्या फिर्यादीनुसार १९ मे रोजी गुन्हा दाखल केला होता. मुलीचा शोध सुरू असताना सोलापूर जिल्ह्यातील बार्शी येथील एका लॉजवरून तरुणीने स्वत:ची सुटका करून घेत पळ काढला. दोन दिवसांपूर्वी ती लातूरला आली. दरम्यानच्या काळात तिच्यावर बार्शी