Latest Marathi News

नागपूर : रितेशने दोन आठवड्यांपूर्वी चार चौघांसमोर मारहाण केली होती. या अपमानाचा बदला घेण्यासाठी त्याचा गेम केल्याची कबुलीवजा माहिती रितेश बैसवारे खूनप्रकरणातील सूत्रधार अश्विन तुर्केलने पोलिसांना दिली. दरम्यान, पोलिसांनी गुरुवारी रात्री पुन्हा एका आरोपीला अटक केली. संदीप महतो असे आरोपीचे नाव असून तो पांढराबोडीत राहातो.१३ जानेवारीला सकाळी धरमपेठच्या बारबेरियन जीमजवळ रितेश बैसवारेचा खून करण्यात आला होता. पोलिसांनी अश्विन तुर्केल आणि निखिल डागोरला अटक करून त्यांची २३ जानेवारीपर्यंत पोलीस कोठडी मिळविली. त्यांची चौकशी केल्यानंतर संदीप महतोला अटक करण्यात आली. तो न्यायालयात सफाई कर्मचारी आहे.रितेश आपल्यास नेहमीच अपमानित करीत असून मित्रांच्या माध्यमातून जीवे मारण्याची धमकी देत होता. २९ डिसेंबरला रितेशने चार चौघांसमोर कानशिलात लगावून जीवे मारण्याची धमकी दिली होती. हा अपमान असह्य झाल्यामुळे अश्विनने रितेशचा गेम करण्याचा कट रचला. आपल्या खास मित्रांना त्याने त्यात सहभागी करून घेतले. त्यानंतर शस्त्रे विकत घेऊन घरात लपवून ठेवली. रितेशचा अनेक दिवस पाठलाग करून त्याची दिनचर्या माहीत करून घेतली. तो जीमजवळ एकटा सापडतो, हे ध्यानात आल्यानंतर त्याचा खून करून अपमानाचा सूड उगवल्याचे अश्विनने पोलिसांना सांगितल्याची माहिती आहे. (प्रतिनिधी)

पालघर जिल्हा परिषद व त्याअंतर्गत येणाऱ्या आठ पंचायत समित्यांच्या निवडणुका न लढविण्याचा निर्णय घेतला. ...

योजनेंतर्गत ठाणे जिल्हाधिकाऱ्यांच्या मागणीनुसार राज्य शासनाने ९५ लाख ९५ हजार ८७७ रुपयांचा निधी मंजूर केला ...

ठाणे जिल्हा परिषद (जि.प.) व पं. समितीच्या निवडणुकांवर जिल्ह्यातील सर्व राजकीय पक्षांनी बहिष्कार टाकला आहे. ...

निसर्गाचा अविभाज्य घटक असलेल्या पक्षांचे अस्तित्त्व दिवसन्दिवस घटत आहे. ...