Latest Marathi News

कोल्हापूर : प्राडा नावाच्या इटालियन फॅशन ब्रँडने कोल्हापुरी चप्पलेची हुबेहूब नक्कल करून स्वतःच्या ब्रँडच्या नावासह बाजारात आणली. मेन्स फॅशन शोमध्ये याचे सादरीकरण झाले. त्या विरोधात महाराष्ट्र चेंबर ऑफ काँमर्स इंडस्ट्री ॲण्ड ॲग्रिकल्चरने तातडीने इटली येथील प्राडाचे संचालक पेट्रिझो बर्टेली यांच्याशी पत्रव्यवहार केला. त्यांनी या मागणीला सकारात्मक प्रतिसाद देत ही कोल्हापुरी चप्पल असल्याचे जाहीर केल्याची माहिती महाराष्ट्र चेंबरचे अध्यक्ष ललित गांधी यांनी शुक्रवारी दिली.कोल्हापूरची ओळख असलेल्या कोल्हापुरी चपलेची जगभरात ओळख आहे. अलीकडेच प्राडा इटालियन फॅशन ब्रँडने कोल्हापुरी चप्पलेची हुबेहूब नक्कल करून स्वतःच्या ब्रँडच्या नावासह बाजारात आणली. तसेच मेन्स फॅशन शोमध्ये कोल्हापुरी चपलेचा वापर केला. ही चप्पल इटालियन असल्याचे भासविले. या प्रकाराने प्राडावर भारतीय सांस्कृतिक वारशाचा फायदा उठवण्याचा आरोप महाराष्ट्र चेंबरचे अध्यक्ष ललित गांधी यांनी केला होता.चेंबरने लक्ष घालण्याची कारागिरांची मागणीप्राडा कंपनी कोल्हापुरीसारखी चप्पल एक लाख रुपयांपेक्षा जास्त किमतीत विकत आहे तर, भारतीय कारागीर तीच चप्पल ४०० रुपयांत बनवतात. या संदर्भात कोल्हापुरातील चप्पल बनवणारे कारागिरांत नाराजी होती. राज्यातील काही कारागिरांनी या प्रकरणी महाराष्ट्र चेंबरने लक्ष घालण्याची विनंती केली होती. त्यानुसार चेंबरचे अध्यक्ष ललित गांधी यांनी प्राडा कंपनीकडे पत्रव्यवहार करून वस्तुस्थिती मांडली. त्यानंतर प्राडाने ही चप्पल कोल्हापुरीच असल्याचे मान्य केले.

तिसऱ्या दिवशीही धुमाकूळ : धूम स्टाईलने आठ तोळे सोने लंपास ...

आरोग्याचा प्रश्न गंभीर : सांडपाण्याचे अयोग्य व्यवस्थापन, गटारी तुंबल्या; तक्रारींकडे दुर्लक्ष ...

आशिष पुंडपळ : वेळेचे नियोजन करा, स्वत:ला शिस्त लावो ...

संस्कृती संमेलन : सिद्धगिरी कणेरी मठावर १९ ते २५ जानेवारीदरम्यान आयोजन ...

अभ्यास दौरा : ‘निसर्ग मित्र’च्या पाहणीत आढळले दुर्मीळ वनस्पती, पक्षी ...

कल्याण रेल्वे स्थानकाच्या बाहेर महिलांसाठी विशेष रिक्षा रांग सुरू करण्यात आली आहे. ...

जैवसाखळी विस्कळीत : वैद्यकीयतज्ज्ञही तस्कर रॅकेटमध्ये सहभागी? ...