Latest Marathi News | Breaking News in Marathi | Live News in Marathi | Marathi News Headlines | लोकमत ताज्या बातम्या | मराठी बातम्या | ताज्या मराठी बातम्या लाईव्ह | मराठी लेटेस्ट न्यूज

बुलडाणा : जिल्ह्यात सोमवारी वेगवेगळ्या तीन ठिकाणी झालेल्या अपघातात चार जण ठार झाल्याच्या घटना घडल्या. यामध्ये देऊळगाव राजा -चिखली रस्त्यावर घडलेल्या अपघातात दोन विद्यार्थी ठार झाले तर अन्य दोन अपघातात दोन जण ठार झाले. देऊळगाव राजा तालुक्यातील रोहणा येथील रामकिसन देवीदास डोके, नितीन मनोहर सवडे (वय १८) हे दोघे बारावीचे विद्यार्थी त्यांचे पेपर सोडवून (एमएच २८- एई ८३२८) दुचाकीवरुन देऊळगाव राजाहून रोहणा गावाकडे जात असताना चिखलीकडून येणार्या एमएच २0 एफ ५३३३ या ट्रकने भरधाव वेगात त्यांच्या गाडीला धडक दिल्याने रामकिसन डोके व नितीन सवडे हे दोन्ही विद्यार्थी जागीच ठार झाले. जळगाव ते सुनगाव रोडवर झालेल्या दुसर्या अपघातात नारायण दयाराम तायडे (वय ४0) यांचा अपघातात मृत्यू झाला. तर चिखली तालुक्यातील मोहाडी फाट्याजवळ भरधाव वाहनाने भाविकांच्या उभ्या असलेल्या वाहनाला जोरदार धडक दिली. या धडकेत जखमी झालेला भाविक सुरेश उर्फ बंडू सुधाकर तुपकर यांचा रुग्णालयात नेत असताना मृत्यू झाला. तर चालक कैलास पांडुरंग तुपकर (४0), प्रभाकर सीताराम तुपकर (४0), विजय सीताराम तुपकर (३५) आणि नवृत्ती शेळके (४0) सर्व रा. गुंज ता. सिंदखेड राजा हे जखमी झाले.