Latest Marathi News

Dnyanada Ramtirthkar Engagement: सध्या मराठी सिनेविश्वात लगीनघाई सुरू आहे. एकामागोमाग एक सेलिब्रिटी लग्नाच्या बेडीत अडकत आहेत. प्राजक्ता गायकवाड, पूजा बिरारी, भाग्यश्री न्हालवे यांच्यानंतर आणखी एक अभिनेत्री लग्नबंधनात अडकणार आहे. ही अभिनेत्री टीव्ही इंडस्ट्रीतील प्रसिद्ध अभिनेत्री म्हणजे ज्ञानदा रामतीर्थकर आहे. ज्ञानदाचा आज २३ डिसेंबरला साखरपुडा पार पडला आहे.आपल्या सहज सुंदर अभिनयाच्या जोरावर प्रेक्षकांच्या मनावर अधिराज्य गाजवणारी ज्ञानदा रामतीर्थकर लवकरच तिच्या आयुष्यातील नव्या प्रवासाला सुरुवात करणार आहे. ठिपक्यांची रांगोळी मालिकेतून ज्ञानदा रामतीर्थकर घराघरात पोहोचली. या मालिकेत तिने साकारलेली अप्पू अनेकांच्या पसंतीस उतरली. सध्या लग्नानंतर होईलच प्रेम मालिकेत काव्या ही व्यक्तिरेखा साकारताना दिसते आहे. आजवर तिने मराठी मालिकांमधून काम करत प्रेक्षकांच्या मनावर अधिराज्य गाजवलं. अलिकडेच ज्ञानदाचा साखरपुडा संपन्न झाला. नुकतेच सोशल मीडियावर अभिनेत्रीच्या साखरपुड्याचे फोटो समोर आले आहेत. या फोटोंवर चाहते आणि मराठी कलाकारांनी कौतुकाचा वर्षाव केला आहे.कोण आहे अभिनेत्रीचा होणारा नवरा?हर्षद आत्माराम असे या तरुणाचे नाव असून तो सिनेमॅटोग्राफर आहे. गेल्या अनेक वर्षांपासून हर्षद सिनेसृष्टीत सक्रिय आहे. मिळालेल्या माहितीनुसार, या दोघांची खूप जुनी ओळख असल्याचं कळतंय. पारंपरिक पद्धतीने ज्ञानदा आणि हर्षदचा साखरपुडा पार पडला. यासाठी ज्ञानदा आणि हर्षदने खास लूक केला होता. ज्ञानदाने साखरपुड्यात सुंदर साडी परिधान केली होती.

जिल्ह्यात पावसाने दमदार हजेरी लावली आहे. मंगळवार आणि बुधवारी मुसळधार पावसाची शक्यता.. ...

दत्तात्रय शिंदे : रात्रीच्यावेळी गस्तीपथक वाढविणार ...

रेल्वे स्थानकावर ‘लगेज स्कॅनर’ मशीन अधूनमधून बंद ठेवली जाते. ...

जिल्हा परिषद सर्वसाधारण सभा : पदाधिकारी, अधिकाऱ्यांचा निर्णय ...

आरोग्य विभाग : शिबिरांची संख्या वाढवण्याचा प्रस्ताव दोन वर्षे धूळ खात पडून ...