Latest Marathi News

लोणावळा : शिलाटणे गावाजवळ मुंबई-पुणे राष्ट्रीय महामार्गालगत एका बांधकामाचा स्लॅब भरण्याचे काम सुरू होते. स्लॅबचा सापळा खाली कोसळून झालेल्या अपघातामध्ये १ मजूर जागीच ठार झाला, तर अन्य दोन मजूर गंभीर जखमी झाले आहेत़सोमवारी दुपारी ३़४५ वाजण्याच्या सुमारास ही घटना घडली़ स्लॅब बांधण्यासाठी वापरलेल्या निकृष्ट दर्जाच्या साहित्यांमुळेच हा सापळा खाली कोसळल्याचे ग्रामस्थ सांगत होते़लालबहादूर (वय २५, रा़ पश्चिम बंगाल) असे दुर्घटनेमध्ये मृत झालेल्या मजुराचे नाव असून, कपुरसिंग व रुपवतो (पूर्ण नावे समजू शकली नाही. दोघेही रा. पश्चिम बंगाल) हे जखमी झाले आहेत़ शिलाटणे गावाच्या हद्दीमध्ये राष्ट्रीय महामार्गालगत डॉ़ तिवारी यांचे बांधकाम सुरू आहे़ या बांधकामाचे दुसरा स्लॅब बांधण्याचे काम सुरू असताना सोमवारी दुपारी स्लॅबचा सापळा खाली कोसळला. दरम्यान, घटनेची माहिती मिळताच लोणावळा उपविभागीय पोलीस अधिकारी वैभव कलुबर्मे, सहायक निरीक्षक संदीप येडे, हवालदार विजय मालुसरे, वसंत कदम आदींनी घटनास्थळी धाव घेत जखमींना उपचारासाठी लोणावळ्यातील खासगी रुग्णालयात दाखल केले़ (वार्ताहर)

लक्ष्मणराव ढोबळे : अण्णा भाऊंच्या जयंतीनिमित्त १७ जिल्ह्यांतील वस्तींवर जाणार ...

लाडचीला उपक्रम : विद्यार्थ्यांची रक्तगट तपासणी ...

बाबूराव गुरव : ‘शेकाप’च्या युवक कार्यकर्त्यांचे शिबिर ...

लॅपटॉप प्रकरण : दोघांचीही सावध भूमिका; प्रकरण दडपण्याच्या हालचाली ...