Latest Marathi News

कोल्हापूर : गाडीखाली सापडलेल्या वासराला वाचविणाऱ्या कासावीस गायीची थरारक घटना रविवारी कोल्हापुरात भरदुपारी घडली. या घटनेनंतर चुकीच्या पद्धतीने वाहन चालवत मुक्या प्राण्यांना खुशाल चिरडणाऱ्या माणसांना झालेय तरी काय, त्यांच्यावर कारवाई का होत नाही, असा प्रश्न उपस्थित केला जात आहे. राजारामपुरीतच एका चालकाने अंगावर गाडी घालून रस्त्यावर बसलेल्या वासराला ठार मारल्याच्या प्र काराला तीन दिवसच झाले असतानाच रविवारीही असा प्रकार उघडकीस आला.राजारामपुरी येथील सहाव्या गल्लीतील महापालिकेच्या उद्यानाजवळ रविवारी भर दुपारी एका बड्या बापाच्या पोराने रस्त्यावर बसलेल्या एका गायीच्या वासराला कारखाली चिरडले. हा प्रकार दुपारी अडीच वाजण्याच्या सुमारास घडला. वासराचा शरीराचा अर्धा भाग मुंडके आणि पाय गाडीखाली अडकले. आपल्या वासराची अशी स्थिती गायीला पाहवली गेली नाही. तिने गाडीच्या चारही बाजूंनी फेऱ्या मारायला सुरुवात केली. हा प्रकार राजारामपुरी येथील कर्मा असोसिएशन ॲनिमल रेस्क्यू टीमचे सदस्य प्रशांत साठे यांना समजली. नेमके ते राजारामपुरी पोलिसासमवेत गुरुवारी एका वासराला गाडीखाली चिरडून ठार मारल्याप्रकरणात गायीचा पंचनामा करण्यासाठी जवळच होते. ते तत्काळ धावून गेले, तेव्हा गाडीखाली वासरू अडकेलेले होते. अस्वस्थ गायीला फेऱ्या मारताना पाहून लोकांनी त्वरित बचावकार्य सुरू केले.तेथे जमलेल्या कार्यकर्त्यांनी प्रयत्न सुरू केले, पण गाडीखाली सापडलेल्या वासराला वाचविण्यासाठी गायीची धडपड सुरू होती. वासराला वाचवायचे कसे ते तिला समजत नव्हते, त्यातूनच मदत करणाऱ्या लोकांच्या अंगावर ती धावून जात होती. कोणालाही जवळ येऊ देत नव्हती. हा प्रकार जवळपास पंधरा मिनिटे सुरू होती.हंबरुन वासराले चाटते जवा गाय..'हंबरुन वासराले चाटते जवा गाय, तवा मले तिच्यामधी दिसते माही माय', या स्व. प्रा. स.ग. पाचपोळ यांच्या कवितेच्या ओंळीची प्रचिती गाडीखाली सापडलेल्या वासराला वाचविण्यासाठी धडपड करणाऱ्या गायीला बघून येत होती.यांनी केली मदतअखेर गायीचे लक्ष दुसरीकडे वळवून ॲनिमल रेस्क्यू टीमचे सदस्य प्रशांत साठे, शुभम दीक्षित आणि गायत्री गोरक्ष संस्थेचे शिवा गडकरी, अमेय ढवळे, आशिष खरबडे, सुजित हिरेमठ यांनी रस्त्यावर जमलेल्या नागरिकांच्या मदतीने प्रसंगावधान दाखवत गाडी वर उचलून वासराला सुखरूपपणे बाहेर काढले. पांजरपोळचे डॉ. राजकुमार बागल यांनी या वासरावर उपचार केले. मुका मार लागल्याने त्यांनी वासराला पेन किलर आणि धनुर्वाताचे इंजेक्शन देऊन तिचा जीव वाचवला. तिला आईसोबत पाठवून दिले.

काही काळ तणावाची स्थिती : उपचारादरम्यान गर्भार मातेचा मृत्यू ...

गतवर्षीच्या तुलनेत ५८० ने कमी : डिटेक्शन रेट ७० टक्क्यांवर ...

'तुंबाड'मधील हस्तरच्या भूमिकेची सिद्धार्थ जाधवला होती ऑफर, ऑडिशनही दिलेली, पण... ...