Latest Marathi News

Nashik crime: नाशिकरोड जेलरोड भागातील पवारवाडी येथे शुक्रवारी (दि. १३) मध्यरात्री दोन वाजेच्या सुमारास डाऊन लाइनवरून सुसाट धावणाऱ्या मुंबई-हावडा एक्स्प्रेससमोर एका प्रेमीयुगुलाने उडी घेत जीवन प्रवास संपविल्याची धक्कादायक घटना घडली. युवक युवतीच्या मृतदेहांची ओळख अद्याप पटू शकलेली नाही. याप्रकरणी शनिवारी (दि. १३) दुपारी चार वाजता नाशिकरोड पोलिस ठाण्यात आकस्मिक मृत्यूची नोंद करण्यात आली.पवारवाडीजवळील रेल्वे किमीच्या १९०/२७-२९ पोलदरम्यान शुक्रवारी मध्यरात्री दोन वाजेच्या सुमारास मुंबई हावडा एक्स्प्रेसपुढे (क्र. १२३२२) प्रेमीयुगुलाने येऊन मृत्यूला कवटाळले. हावडाचे प्रबंधक मनोजकुमार यांनी तातडीने या घटनेची माहिती नाशिकरोड रेल्वे स्थानक उपप्रबंधक कार्यालयाला कळविली. रेल्वे व नाशिकरोड पोलिस ठाण्याचे कर्मचारी यांना माहिती मिळताच घटनास्थळी धाव घेतली. मयत तरुण हा अंदाजे तीस वर्षाचा असून, शरीरयष्टी सडपातळ आहे. तसेच तरुणीदेखील २५ ते २८ वयोगटातील असल्याचे नाशिकरोड पोलिसांनी सांगितले. तरुण-तरुणी त्र्यंबकेश्वर तालुक्यातीलहे प्रेमीयुगुल त्र्यंबकेश्वर तालुक्यातील रहिवासी असल्याचा अंदाज पोलिसांकडून वर्तविला जात आहे. याप्रकरणी नाशिकरोड पोलिस ठाण्यात आकस्मिक मृत्यूची नोंद करण्यात आली आहे. शुक्रवारी मध्यरात्री या दोघांनी आत्महत्या केली आहे. मात्र, रविवारी सायंकाळपर्यंत त्यांची ओळख पटू शकलेली नव्हती. याप्रकरणी नाशिकरोड पोलिसांनी त्र्यंबकेश्वर, नाशिक तालुका पोलिसांशीही संपर्क साधला असून, बेपत्ता युवक युवतींची माहिती मागविल्याचे समजते.सिटीलिंक बसच्या तिकिटावरून तपासपंचनाम्यादरम्यान युवकाच्या पॅन्टच्या खिशात सिटीलिंक बसचे तिकीट सापडले. त्यावरील तपशिलावरून या दोघांनी शुक्रवारी त्र्यंबकेश्वर तालुक्यातील बेजे फाटा येथून बसमधून प्रवास सुरू केला. शहरातील रविवार कारंजा येथे आले. तेथून नांदूर नाकामार्गे - नाशिकरोडकडे जाणाऱ्या बसने पुढचा प्रवास केला. प्रवासादरम्यान त्यांनी बसचालक व वाहक यांच्याकडे जेलरोड पवारवाडीकडे जाणाऱ्या रस्त्याची चौकशीसुद्धा केली. रात्री जेलरोडवरील सैलानी बाबा चौकात ते दोघे उतरले. तेथून पवारवाडीजवळ रेल्वेमार्ग गाठला.

शासकीय वैद्यकीय महाविद्यालय व अतिविशेषोपचार (सुपर स्पेशालिटी) रुग्णालयात २०१२ रोजी घेण्यात आलेली डबल ...

आत्महत्याग्रस्त शेतकरी कुटुंबांना दिलासा मिळावा म्हणून ३० लाखांचे खत आणि सूक्ष्म मूलद्रव्याचे मोफत वितरण ...

येथील सुश्रावक इंदरचंदजी तातेड यांच्या पुत्रवधू ममता नवीनचंद तातेड यांच्या ३१ उपवासाच्या सांगता ...

पुसद जिल्हा निर्मितीसाठी पुसद विकास मंचने गांधी जयंतीपासून अन्नत्याग सत्याग्रहाला प्रारंभ केला असून सोमवारी ...