Latest Marathi News

टेंभुर्णी: जालना जिल्ह्यातील जाफराबाद तालुक्यात टेंभुर्णी ते राजूर रस्त्यावर एका भीषण अपघातात चार जणांचा मृत्यू झाला आहे. शुक्रवारी (२९ ऑगस्ट) पहाटे ५ ते ६ च्या सुमारास भरधाव वेगाने येणारी एक कार रस्त्याच्या कडेला असलेल्या विहिरीत कोसळली. या अपघातापूर्वी कारने मॉर्निंग वॉक करणाऱ्या दोघांनाही धडक दिली, ज्यात एक गंभीर जखमी झाला आहे.नेमकं काय घडलं?टेंभुर्णीजवळ गाढेगव्हाण गावाजवळ हा अपघात घडला. वेगाने येणाऱ्या कारने रस्त्यावरून चालणाऱ्या दोन व्यक्तींना धडक दिली. या धडकेत एक व्यक्ती गंभीर जखमी झाला असून त्याला उपचारासाठी जालना येथे हलवण्यात आले आहे. दुसऱ्या व्यक्तीला किरकोळ दुखापत झाली आहे.त्यानंतर चालकाचे नियंत्रण सुटल्याने ही कार थेट रस्त्याच्या बाजूला असलेल्या शेतातील विहिरीत कोसळली. या घटनेची माहिती मिळताच पोलिसांनी तात्काळ घटनास्थळी धाव घेतली. स्थानिक नागरिक, पोलीस आणि अग्निशमन दलाच्या मदतीने बचावकार्य सुरू करण्यात आले. क्रेनच्या साहाय्याने कार विहिरीतून बाहेर काढण्यात आली.बचावकार्यात आढळले चार मृतदेहविहिरीतून कार बाहेर काढल्यानंतर त्यात चार व्यक्तींचे मृतदेह आढळले. मृतांची ओळख पटवण्याचे काम सुरू असून, त्यांच्याबद्दल अधिक माहिती मिळवण्याचा प्रयत्न पोलीस करत आहेत. ही कार कोणत्या दिशेने जात होती आणि त्यातील व्यक्ती कोण होत्या, याबाबत पोलीस तपास करत आहेत. या अपघातामुळे परिसरात हळहळ व्यक्त केली जात आहे. पोलीस या प्रकरणाचा पुढील तपास करत आहेत.

युकेमध्ये सर्वात जास्त वापरली जाणारी मॅच.कॉम या वेबसाईटचा गैरफायदा घेत 5 जणींवर बलात्कार ...