Latest Marathi News

नालासोपारा : रिक्षा चोरी करणाऱ्या दोन सराईत गुन्हेगारांना अटक करण्यात गुन्हे शाखेच्या युनिट दोनच्या टीमला यश मिळाले आहे. दोन्ही आरोपीकडून ७ गुन्ह्यांची उकल करून ३ लाख ४० हजार रुपये किंमतीच्या चोरीच्या सात रिक्षाही हस्तगत केल्याची माहिती जनसंपर्क अधिकारी व सपोनि शिवकुमार गायकवाड यांनी शुक्रवारी दिली आहे.कुर्ल्याच्या सुभाष नगर येथील जंगली मुकादम चाळीत राहणाऱ्या रिक्षाचालक मदन यादव (४०) यांची ९० हजार रुपयांची रिक्षा चोरीला गेली होती. १४ जूनला दुपारी साडे चार वाजता त्यांनी फादरवाडी नाक्याच्या पुढे रस्त्याच्या कडेला पार्क केलेली रिक्षा चोरट्याने चोरून नेली होती. वालीव पोलिसांनी वाहन चोरीचा गुन्हा दाखल केला होता. मिरा-भाईंदर, वसई-विरार पोलीस आयुक्तालयाचे हद्दिमध्ये सतत वाहन चोरीचे प्रमाण वाढत असल्याने वाहन चोऱ्यांवर आळा घालण्यासाठी वरिष्ठांनी आदेश दिले होते. त्या अनुषंगाने घडणाऱ्या प्रत्येक पाहन चोरीच्या गुन्हयाचे ठिकाणी प्रत्यक्ष भेट देवून घटनास्थळावरील सीसीटीव्ही फुटेजचे परीक्षण गुन्हे शाखेच्या युनिट दोनच्या टीम मार्फतीने करण्यात येत होते. वालीव येथे झालेल्या रिक्षा चोरीच्या गुन्ह्याच्या घटनास्थळी गुन्हे शाखा युनिट दोनचे अधिकारी व अंमलदार यांनी भेट देवून तपास सुरु केला. या गुन्ह्यातील आरोपी ईकबाल उर्फ अकबाल खान (५७) आणि सय्यदअली नाई (३५) या दोघांना १६ जूनला रिक्षासह ताब्यात घेण्यात आले. आरोपीकडे पोलीस कोठडीदरम्यान केलेल्या कौशल्यपूर्वक तपासात आरोपी ईकबाल उर्फ अकबाल याने रिक्षा चोरीचे आणखी ६ गुन्हे केल्याचे निष्पन्न झाले आहे. आरोपीकडून ७ गुन्ह्यांची उकल करत ३ लाख ४० हजार रुपये किंमतीच्या चोरीच्या ७ रिक्षाही हस्तगत केल्या आहेत. ईकबाल उर्फ अकबाल हा सराईत आरोपी असून त्याच्या विरोधात मुंबईत १२ गुन्हे यापूर्वी दाखल आहेत.सदरची कामगिरी पोलीस उपायुक्त (गुन्हे) अविनाश अंबुरे, सहा. पोलीस आयुक्त मदन बल्लाळ यांच्या मार्गदर्शनाखाली गुन्हे शाखा युनिट दोनचे पोलीस निरीक्षक समीर अहिरराव, सपोनि सोपान पाटील व सागर शिंदे, पोलीस उपनिरीक्षक अजित गीते, सहा. फौजदार रमेश भोसले, संजय नवले, मुकेश पवार, रवींद्र पवार, चंदन मोरे, पोलीस हवालदार प्रफुल्ल पाटील, सचिन पाटील, जगदीश गोवारी, दादा आडके, सुधीर नरळे, राहुल कर्पे, प्रशांत ठाकूर, अनिल साबळे, प्रतिक गोडगे, राजकुमार गायकवाड, मसुब अविनाश चौधरी आणि सायबरचे सहा. फौजदार संतोष चव्हाण यांनी केली आहे.

राज्य बास्केटबॉल अजिंक्यपद : मुलींत मुंबई साऊथ, तर मुले गटांत ठाणे उपविजेते ...

मानाची भोगावती साखर केसरीची लढत जमदाडे आणि दोरवड यांच्यात २२ मिनिटे चालली ...

निवडणूक यंत्रणेची हतबलता : मतदार सहलीवर गेल्याचा पुरावा नाही विधान परिषदेचे रणांगण ...