Latest Marathi News

छत्रपती संभाजीनगर : जिल्ह्यात लम्पी साथरोगाचा प्रादुर्भाव वाढत आहे. सध्या छत्रपती संभाजीनगर , फुलंब्री आणि सोयगाव तालुक्यात ४ पशुधनाला या आजाराची लागण झाली आहे. त्यामुळे जि. प. मुख्य कार्यकारी अधिकारी अंकित यांनी पशुसंवर्धन विभागाला अलर्ट केले आहे.मागील दोन वर्षांपूर्वी मोठ्या प्रमाणात लसीकरणाची मोहीम राबविल्यानंतरही गोवंश पशुधनामध्ये लम्पी त्वचा रोगाची लागण पूर्णपणे नियंत्रणात आलेली नाही. या साथरोगाच्या विषाणूचा नवीन व्हेरिएंट संक्रमित तर झाला नसावा, अशी पशुपालकांमध्ये भीती आहे. सन २०२३ अखेरीस लम्पी बाधित जिल्ह्यातील गायवर्गीय ३२३ पशुधन दगावले होते. त्यामुळे जि. प. पशुसंवर्धन विभागाने त्यावर्षी ३ लाख ८६ हजार ८६७ जनावरांना लम्पी प्रतिबंधक लस दिली होते. तरीही सुमारे ५ हजार जनावरांना लम्पीची लागण झाली होती. या साथरोगाची लागण आटोक्यात आणण्यासाठी शेवटी जिल्ह्याच्या सीमेबाहेरून अथवा आपल्या जिल्ह्यातून बाहेर जनावरांचे स्थलांतरण थांबविणे, आठवडी बाजार बंद करणे, यावर रोख लावला होता. बाधित जनावरांना क्वारंटाईन (विलगीकरण) करणे, गोठे स्वच्छ करणे आदी मोहीम राबविली होती. त्यानंतर हळूहळू प्रादुर्भाव कमी होत गेला.मात्र, अलीकडे छत्रपती संभाजीनगर जिल्ह्याच्या सीमावर्ती जिल्ह्यात प्रामुख्याने जळगाव जिल्ह्यात लम्पी साथरोगाचे गायवर्गीय पशुधन बाधित होत असल्याच्या घटना वाढल्या. बघता बघता आपल्या जिल्ह्यातही या आजाराने शिरकाव केला. या आजाराची पूर्वपीठिका बघता पशुपालक व पशुसंवर्धन विभागही हादरून गेला. मुख्य कार्यकारी अधिकाऱ्यांच्या सूचनेनुसार तत्काळ लसीकरण मोहीम हाती घेण्यात आली असून, आजपर्यंत सुमारे ४ लाख जनावरांना लस देण्यात आली आहे. जिल्ह्यात छत्रपती संभाजीनगर तालुक्यात तिसगाव येथे १ गोऱ्हा, फुलंब्री तालुक्यात हिवरा येथे १ गाय व १ वासरू आणि सोयगाव तालुक्यात जरंडी येथे १ बैल, अशा चार जनावरांना लम्पीची लागण झाली आहे.४,०६,५७८ गायवर्गीय पशुधन३,९९,८६५ पशुधनाचे लसीकरण पूर्ण३ तालुक्यात पशुपालकांना अलर्टलम्पी आजाराची लक्षणेलम्पी आजारामध्ये जनावरांना ताप येतो. चारा व पाणी कमी घेणे किंवा बंद होणे. नाका-डोळ्यातून चिकट स्त्राव येतो. जनावरांच्या अंगावर गाठी येतात आणि पायावर सूज येऊन जनावर लंगडते. अशी सर्वसाधारण लक्षणे लम्पी या साथरोगाची दिसून येतात.

सलमान खान आणि शाहरूख खान यांच्यातील दुरावा कमी होऊन मित्रत्वाचे नाते निर्माण झाले आहे. ...

कपडे, सुका मेवा खरेदीला प्राधान्य : ‘शबे कद्र’च्या निमित्ताने मुस्लिम बांधवांकडून नामस्मरण, नमाज, कुराणाचे पठण ...

शेतकरी निसर्गाच्या कचाट्यात सुमार सापडला असताना त्याच्या मदतीकरिता शासन, प्रशासनही डोळेझाक करीत आहे. ...

अंमलबजावणी सुरू : नागरिकांचे मुंबई, पुण्याचे हेलपाटे वाचणार ...

नगरपालिकेची कारवाई : सलग चार दिवस मोहीम ...

मोहाडी तालुक्यातील पांढराबोडी येथील जिल्हा परिषद पूर्व माध्यमिक शाळा व्यवस्थापन समितीच्या पदाधिकाऱ्यांनी .... ...

प्रवेशासाठी वशिलेबाजी : दादा, भाऊंच्या मागणीने प्राचार्य हैराण; विद्यार्थी, पालकांची धावपळ ...