Latest Marathi News

Bangladesh Violence: बांगलादेशातील कट्टरपंथी आणि आंदोलकांकडून माध्यमांची गळचेपी सुरूच असून, आता ग्लोबल टीव्ही बांग्लादेश या वृत्तवाहिनीला थेट धमकी देण्यात आली आहे. "तुमच्या न्यूज हेड नाझनीन मुन्नी यांना तातडीने पदावरून हटवा, नाहीतर प्रथम आलो आणि द डेली स्टारप्रमाणेच तुमचे ऑफिसही पेटवून देऊ," असा इशारा काही तरुणांनी दिला आहे. या घटनेमुळे बांगलादेशातील पत्रकारांमध्ये दहशतीचे वातावरण निर्माण झाले आहे.मिळालेल्या माहितीनुसार, २१ डिसेंबर रोजी ७ ते ८ तरुणांच्या एका टोळीने ढाका येथील ग्लोबल टीव्हीच्या कार्यालयात प्रवेश केला. यावेळी त्यांनी वाहिनीचे व्यवस्थापकीय संचालक यांची भेट घेतली आणि न्यूज हेड नाझनीन मुन्नी यांच्यावर गंभीर आरोप केले. नाझनीन या माजी पंतप्रधान शेख हसीना यांच्या अवामी लीगच्या समर्थक आहेत, असा दावा या तरुणांनी केला.'४८ तासांत काढा, नाहीतर राखरांगोळी करू'या तरुणांनी वाहिनीच्या व्यवस्थापनाला धमकावत सांगितले की, "नाझनीन मुन्नी अवामी लीगच्या समर्थक आहेत, त्यांना नोकरीवर ठेवता येणार नाही. त्यांना ४८ तासांत कामावरून काढून टाकण्याचे लेखी आश्वासन द्या." जेव्हा व्यवस्थापकीय संचालकांनी याला नकार दिला, तेव्हा आंदोलक अधिकच आक्रमक झाले. "आम्ही म्हणू तेच होईल. प्रथम आलो आणि द डेली स्टार सारख्या मोठ्या वृत्तपत्रांचे आम्ही काय केले ते तुम्ही पाहिलेच आहे, तुमचे ऑफिसही त्याचप्रमाणे पेटवून देऊ," अशी थेट धमकी त्यांनी दिली.का केलं जातंय लक्ष्य?आंदोलकांचा असा आरोप आहे की, ग्लोबल टीव्हीने भारतविरोधी युवा नेता शरीफ उस्मान हादी याच्या मृत्यूचे वार्तांकन योग्य पद्धतीने केले नाही. शरीफ हादी हा शेख हसीना यांच्या विरोधात झालेल्या आंदोलनातील प्रमुख चेहरा होता, ज्याची काही दिवसांपूर्वी गोळ्या झाडून हत्या करण्यात आली होती. हादीच्या मृत्यूनंतर बांगलादेशात पुन्हा एकदा अशांतता पसरली असून, त्याचा रोष आता पत्रकारांवर काढला जात आहे.नाझनीन मुन्नी यांची व्यथाया घटनेनंतर नाझनीन मुन्नी यांनी सोशल मीडियावर आपली कैफियत मांडली आहे. त्यांनी म्हटले की, "हा केवळ मला दिलेला इशारा नसून स्वतंत्र माध्यमांना गप्प करण्याचा एक सुनियोजित कट आहे. ७-८ लोकांनी माझ्या ऑफिसमध्ये येऊन वैयक्तिक द्वेषातून मला कामावरून काढण्याची मागणी केली."विद्यार्थी संघटनेचा हात झटकलास्वतःला भेदभाव विरोधी विद्यार्थी चळवळीचे सदस्य सांगणाऱ्या या तरुणांच्या कृत्यापासून संघटनेने आता अंतर राखले आहे. संघटनेचे अध्यक्ष रिफत रशीद यांनी स्पष्ट केले की, अशा प्रकारच्या धमकावणीचे आम्ही समर्थन करत नाही आणि दोषी सदस्यांवर कारवाई केली जाईल. काही दिवसांपूर्वीच बांगलादेशातील नामांकित वृत्तपत्राच्या कार्यालयांवर हल्ले करून ती पेटवून देण्यात आली होती. त्यानंतर आता एका महिला पत्रकाराला अशा प्रकारे लक्ष्य केल्याने आंतरराष्ट्रीय स्तरावर बांगलादेशातील ढासळत्या कायदा-सुव्यवस्थेवर टीका होत आहे.

बॉलीवूडची क्वीन म्हणजे कंगना राणावत. क्वीन म्हटलं की तिचा अंदाज.. तिचं राहणं.. ...

शहरीकरणामुळे होणाऱ्या विकासापाठोपाठ पर्यावरणाचा ऱ्हास होत असून वृक्षछाटणीचे प्रमाण वाढले आहे. ...

वाढदिवसाच्या दिवशीच तरुणाने आत्महत्या केल्याची घटना सीवूड येथे घडली आहे. ...

परवानगी न घेता व्यवसाय करणाऱ्या हॉटेल व मिठाई दुकानांविरोधात पालिकेने धडक कारवाई सुरू केली आहे. ...

उपराजधानीत शुक्रवारी दिवसभर उत्साहात वृक्ष लागवड करण्यात आली. या एकाच दिवशी वन विभाग, सामाजिक वनीकरण, ... ...

गुन्ह्यांचा तपास, आंदोलने, मोर्चे, व्हीआयपींचे दौरे, गस्त यामुळे पोलिसांना जास्त वेळ कर्तव्य बजवावे लागते. ...

घरफोडी करणाऱ्या पाच जणांच्या टोळीला वाशी पोलिसांनी अटक केली आहे. ...