Latest Marathi News

मुंबई - आगामी मुंबई महानगरपालिका निवडणुकीच्या पार्श्वभूमीवर शिंदेसेनेच्या वतीने पक्षाची मुख्य कार्यकारी समिती तयार करण्यात आलेली आहे. यात पक्षाचे मुख्य नेते एकनाथ शिंदे यांच्यासह २१ शिलेदारांचा समावेश करण्यात आला आहे. पुढील काही महिन्यात मुंबईसह प्रमुख महापालिकांच्या निवडणुकीची रणधुमाळी सुरू होणार आहे. त्यात पक्षाला यश मिळावे यासाठी एकनाथ शिंदे यांनी कंबर कसली आहे. महापालिका निवडणुकीतील पक्षाच्या पातळीवरील महत्त्वाचे निर्णय या समितीच्या माध्यमातून घेण्यात येणार आहेत. शिवसेनेचे प्रमुख नेते, खासदार, माजी खासदार, आमदार, माजी आमदार यांना यात संधी देण्यात आली आहे.अशी असेल शिवसेनेची ही मुख्य कार्यकारी समिती १) एकनाथ शिंदे, मुख्य नेते२) रामदास कदम, नेते ३) गजानन कीर्तीकर, नेते४) आनंदराव अडसूळ, नेते ५) मीनाताई कांबळे, नेत्या ६) डॉ. श्रीकांत शिंदे, खासदार ७) रवींद्र वायकर, खासदार ८) मिलिंद देवरा, राज्यसभा - खासदार ९) राहुल शेवाळे, माजी खासदार १०) संजय निरुपम, माजी खासदार ११) प्रकाश सुर्वे, आमदार१२) अशोक पाटील, आमदार१३) मुरजी पटेल, आमदार १४) दिलीप लांडे, आमदार१५) तुकाराम काते, आमदार १६) मंगेश कुडाळकर, आमदार १७) श्रीमती मनिषा कायंदे, विधान परिषद, आमदार१८) सदा सरवणकर, माजी आमदार १९) यामिनी जाधव, माजी आमदार२०) दीपक सावंत, माजी आमदार २१) शिशिर शिंदे, माजी आमदारअलीकडेच शिंदेसेनेने मुंबईतील विविध प्रभागातील प्रभारी विभाग प्रमुख आणि प्रभारी विधानसभा प्रमुखाच्या नियुक्त्या केल्या होत्या. मुंबई महापालिकेत जास्तीत जास्त नगरसेवक निवडून आणण्यासाठी शिंदे प्रयत्नशील आहेत. त्यात आतापर्यंत ६० हून अधिक माजी नगरसेवकांनी शिंदेसेनेत प्रवेश केला आहे. त्याशिवाय पुढील काही दिवसांत आणखी माजी नगरसेवक शिंदेसेनेत प्रवेश करतील असा दावा नेते करत आहेत. मुंबई महापालिकेवर आतापर्यंत शिवसेनेची सत्ता राहिली आहे. परंतु पक्षातील फुटीनंतर पहिल्यांदाच महापालिका निवडणुकीत दोन्ही गट आमनेसामने येणार आहेत. त्यात उद्धव ठाकरे यांना धक्का देण्यासाठी शिंदेसेना मुंबईवर विशेष लक्ष केंद्रीत करत आहे.

गिरीश महाजन : मानकरवाडी तलावात ‘वाकुर्डे’च्या पाण्याचे पूजन ...

पुस्तकांच्या विक्रीत चढ-उतार : तरुणाईच्या मोबाईल वेडामुळे वाचन सवयीचा आलेख घटल्याचे चित्र ...

सदाभाऊ खोत : राज्य लोकसेवा आयोग परीक्षार्थी वयोमर्यादा वाढीचा श्रेयवाद ...

गिरीश महाजन : नागजमध्ये टेंभू योजनेच्या पाण्याचे पूजन; आघाडी सरकारवरही सिंचनप्रश्नी टीका ...

नव्या निवडी : तासगाव-कवठेमहांकाळ मतदारसंघ दुसऱ्या स्थानी ...

पंचवार्षिक निवडणूक : ९९ अर्जांची विक्री ...

पाणबुड्यांना यश : बार्जला बाहेर आणण्याचे प्रयत्न सुरु; रेडी समुद्रात राबविली शोधमोहीम ...

खटाव तालुका सुन्न : बिकानेरमध्ये घडली होती दुर्घटना ...