Latest Marathi News

नवी दिल्ली - पंजाबमधून अटकेत असलेला गुप्तहेर जसबीर सिंगने तपास यंत्रणांच्या चौकशीत मोठा खुलासा केला आहे. भारतात सुरू असलेल्या गुप्तहेर नेटवर्कचा मास्टरमाईंड पाकिस्तान पोलिसमधील माजी उपनिरिक्षक नासिर ढिल्लो आहे. ढिल्लो आता व्यवसायने पाकिस्तानी युट्यूबर आहे परंतु भारताविरोधात गुप्त कारवाया करण्यासाठी तो नेटवर्कमधून काम करत असतो. माहितीनुसार, नासिर ढिल्लो यानेच जसबीर सिंगची भेट पाकिस्तानातील गुप्तचर संस्था आयएसआयच्या अधिकाऱ्यांसोबत लाहोर येथे करून दिली. इतकेच नाही तर ढिल्लोने जसबीरची भेट भारतीय युट्यूबर ज्योती मल्होत्राशी करून दिली होती. जी लाहोरमध्ये जसबीरसोबत जवळपास १० दिवस थांबली होती. नासिर ढिल्लो भारतातून पाकिस्तानात जाणाऱ्या युट्यूब क्रिएटर्सला दानिश नावाच्या व्यक्तीसोबत जोडतो, दानिश पुढे या लोकांना हेरगिरीचे टास्क सोपवतो आणि दिल्लीतील पाकिस्तानी उच्चायुक्त कार्यालयात पाहुणे म्हणून आमंत्रित करत होता. पाकिस्तान पोलिसांचे शेकडो माजी कर्मचारी या हेरगिरी रॅकेटचा हिस्सा असण्याची शक्यता आहे. हे लोक सोशल मिडिया, युट्यूब आणि वैयक्तिक संपर्काच्या माध्यमातून भारतीयांना अडकवतात. त्यांच्याकडून भारतातील संवेदनशील माहिती मिळवून देतात. आता सुरक्षा यंत्रणाच्या रडारवर नासिर ढिल्लो, दानिश, ज्योती मल्होत्रा आले आहेत त्यातून या संपूर्ण नेटवर्कचा शोध घेणे सुरू झाले आहे. दरम्यान, रूपनगर येथील रहिवासी जसबीर सिंगवर पाकिस्तानी गुप्तहेर एजंट शाकीर उर्फ जट्ट रंधावाशी संबंध असल्याचा आरोप आहे, जो हेरगिरी नेटवर्कचा भाग आहे. जसबीरचे हरियाणातील युट्यूबर ज्योती मल्होत्रा आणि पाकिस्तानी नागरिक एहसान-उर-रहीम उर्फ दानिश यांच्याशी जवळचे संबंध होते.जसबीर सिंग दानिशच्या निमंत्रणावरून दिल्लीत आयोजित पाकिस्तान राष्ट्रीय दिनाच्या समारंभात सहभागी झाला होता, जिथे तो पाकिस्तानी लष्करी अधिकारी आणि व्लॉगर्सना भेटला. जसबीरन २०२०, २०२१ आणि २०२४ मध्ये तीन वेळा पाकिस्तानला गेला होता. त्याच्या इलेक्ट्रॉनिक उपकरणांमध्ये अनेक पाकिस्तानी फोन नंबर सापडले आहेत. तपास यंत्रणा जसबीरची चौकशी करत आहेत त्यातून विविध खुलासे समोर आलेत. ज्योती मल्होत्राच्या अटकेनंतर जसबीरने या पीआयओंशी केलेल्या त्याच्या सर्व संवादातील कंटेन्ट नष्ट करण्याचा प्रयत्न केला जेणेकरून तो समोर येऊ नये अशी माहिती पोलिसांनी दिली आहे.

औद्योगिक वसाहतींना गती : ९९ टक्के काम पूर्ण; ४२ कोटी ६३ लाखांची कामे ...

नागरिकांची धावपळ : ट्रान्स्फॉर्मर जळाल्याने व्यत्यय ...

‘नारायण राणे तुम आगे बढो, हम तुम्हारे साथ है’, अशी जोरदार घोषणाबाजीही करण्यात आली. ...

पहिल्या दिवशीच पालक, विद्यार्थ्यांचा उत्स्फूर्त प्रतिसाद ...

विवाहितेची आत्महत्त्या ...