Latest Marathi News | Breaking News in Marathi | Live News in Marathi | Marathi News Headlines | लोकमत ताज्या बातम्या | मराठी बातम्या | ताज्या मराठी बातम्या लाईव्ह | मराठी लेटेस्ट न्यूज

बंगळुरू - ४२ वर्षीय दातांच्या महिला डॉक्टरला प्रियकराचे गुप्तांग कापल्याप्रकरणी दोषी ठरविण्यात आले आहे. ही घटना बंगळुरू येथे घडली होती. बंगळुरूतील कोरामंगला येथील सिटी सिव्हिल अँड सेशन्स कोर्टाने महिला डॉक्टरला दोषी ठरवत १० वर्षांची कारावासाची शिक्षा आणि १५ हजारांचा दंड ठोठावला आहे. या दोषी महिला डॉक्टरचे नाव सईदा अमीना नहीम असं आहे. सईदाला कोर्टाला दणका देत पीडित प्रियकराला २ लाख रुपये नुकसान भरपाई देण्याचे आदेश दिले आहेत. दोषी आरोपी ही मूळची गुरप्पाना पल्या येथील आहे. २९ नोव्हेंबर २००८ साली सईदाने तिच्या प्रियकराचे त्याने दुसऱ्या महिलेशी लग्न केल्याने त्याचे गुप्तांग कापले होते. ११ डिसेंबरला न्या. विद्याधर शिरहट्टी यांनी सांगितले की, पीडित पुरुषाचे त्याचे लग्नानंतरचे आयुष्य उध्वस्त झाले असून त्याला मानसिक त्रासातून जावे लागले. पैशाने हे नुकसान भरून निघणारे नाही. तरीदेखील काही रक्कम नुकसान भरपाई म्हणून निश्चित करण्यात आली असून काही दंड आकारण्यात आला आहे. पीडित मिर अर्शद अलीला राज्याच्या पीडित नुकसान भरपाई योजनेतून पैसे मिळाले आहेत. टाईम्स ऑफ इंडियाने दिलेल्या अहवालानुसार सरकारी वकील यांनी कोर्टात अशी माहिती दिली की, मिर आणि सईदा यांचे प्रेमप्रकरण होते. मात्र, मिरचे हे प्रेमप्रकरण संपुष्टात आले आणि त्याने दुसऱ्या महिलेशी लग्न केले. त्यानंतर भडकलेल्या सईदाने मिरला लग्न करण्यास सांगितले. २९ नोव्हेंबर २००८ साली सईदाने कोरामंगला येथील तिच्या दवाखान्यात मिरला बोलावले. त्यानंतर मिरला फळांच्या ज्यूसमध्ये गुंगीचे औषध दिले. ते प्यायलानंतर मिर बेशुद्ध पडला. डॉक्टर महिलेने दवाखान्यातील साहित्य वापरून मिरचे गुप्तांग कापले. नंतर ती मिरला रुग्णालयात दाखल करून पळून गेली. डॉक्टर महिलेला रुग्णालयातील डॉक्टरांनी आणि मिरच्या कुटुंबीयांनी गुप्तांग देण्याची मागणी केली. जेणेकरून मिरवर शस्त्रक्रिया होऊ शकत होती. मात्र सईदाने देण्यास नकार दिला. सईदाच्या वकिलाने ती निरागस असल्याचे कोर्टात सांगितले. सईदाने देखील दवाखान्यात येताना मिरचा अपघात झाल्याचा दावा केला. मात्र, कोर्टाला मिरच्या शरीरावर एकही जखम आढळून न आल्याने सईदाला दोषी ठरविण्यात आले.