Latest Marathi News

पणजी : यापूर्वी सरकारमधील अनेक मंत्र्यांविरुद्ध व सत्ताधार्यांशीसंबंधित राजकारण्यांविरुद्ध आपण दिलेल्या तक्रारी पोलिसांनी नोंद केल्या नाहीत; पण चोडणकर प्रकरणी मात्र तत्काळ तक्रार नोंद करून पोलीस चौकशी काम करू लागले, असे सामाजिक कार्यकर्ते अॅड. आयरिश रॉड्रिग्ज यांचे म्हणणे आहे. आमदार विजय सरदेसाई, अॅड. रॉड्रिग्ज, राष्ट्रवादी काँग्रेसचे प्रदेशाध्यक्ष नीळकंठ हळर्णकर, काँग्रेसचे प्रवक्ते दुर्गादास कामत, आयटी तज्ज्ञ समीर केळेकर व इतरांनी मोहन व मिश्रा यांची भेट घेऊन त्यांच्यासमोर चोडणकर यांची बाजू मांडली. चोडणकर प्रकरणी चौकशी अधिकार्याने अतिउत्साह दाखवला आहे. चोडणकर हे गोव्याबाहेर नोकरी करत असून ते कार्यालयीन कामासाठी दौर्यावर गेल्याने त्यांना गोव्यात येण्यास पंधरा दिवस लागतील, असे चोडणकर यांच्या वडिलांनी पोलिसांना कळविले होते. तरीही पोलिसांनी लगेच दुसरे समन्स बजावले. आमच्याविरुद्ध यापूर्वी भाजपवाल्यांनी फेसबुकवरून बदनामीची मोहीम चालवली; पण पोलिसांनी कधीच कारवाई केली नाही, असे सरदेसाई म्हणाले. मी पोलिसांकडे मुख्यमंत्री मनोहर पर्रीकर यांच्याविरुद्ध तक्रार केली होती. ती नोंदवून घ्यावी की नाही हे ठरविण्यासाठी पोलीस फाइल काढून पर्रीकर यांच्याकडेच पाठवतात, असे अॅड. रॉड्रिग्ज यांनी मोहन यांना भेटून आल्यानंतर पत्रकारांना सांगितले. चोडणकर यांची बाजू घेऊन आंदोलन करत आहेत, त्यापैकीच काहीजणांनी देऊच्या नावाने स्वत: फेसबुकवर टिप्पणी केलेली असू शकते, असे विधान भाजपाचे आमदार डॉ. प्रमोद सावंत यांनी केले होते. पोलिसांनी या विधानाची दखल घेऊन सावंत यांनाही अटक करावी व त्यांची चौकशी करावी, अशी मागणी सरदेसाई यांनी केली. (खास प्रतिनिधी)

शाहू’च्या सहकार्याने सिंचनाचा पथदर्शी प्रकल्प ...

शहरात ज्या ठिकाणी वारंवार कचरा साठला जातो, अशी २०० ठिकाणे महापालिकेने निश्चित केली आहेत. ...

छत्रपती शाहू महाराजांनी समाजाला शांती, मदतीची भावना आणि एकतेचा संदेश दिला. त्यांचा जन्म दिवस साजरा ...

जमिनीची सुपिकता वाढविण्यासाठी वन विभागाने सुरुवातीच्या काळात परदेशी झाडे लावली होती़ ...

राज्यातील पाणी व्यवस्थापन हा शासनाच्या अजेंड्यावरील प्रमुख विषय आहे. ...