Latest Marathi News

नाशिक - बॉलिवूडचा बादशहा शाहरुख खानचा जवान चित्रपट प्रदर्शित होऊन आज एक महिना झाला. मात्र, अद्यापही बॉक्स ऑफिसवर या चित्रपटाला गर्दी दिसून येत आहे. शाहरुखचे चाहते सिनेमागृहात जाऊन जवान पाहत आहेत. विशेष म्हणजे कुणी शाहरुखचा लूक मेकओव्हर करताना पाहायला मिळतो, तर कुठे सिनेमागृहाबाहेर शाहरुखचा मोठा डिजिटल दिसून येतो. मात्र, नाशिक जिल्ह्यातील मालेगाव येथे शाहरुखच्या चाहत्यांनी चक्क सिनेमागृहातच सुतळी बॉम्ब फोडून जल्लोष साजरा केला. त्यामुळे, चित्रपटगृहातील प्रेक्षकांमध्ये भीती पसरली होती. जवान सिनेमाचा शो सुरू असताना मालेगाव शहरातील कमलदीप थेअटरमध्ये शाहरुखच्या चाहत्यांनी अतिउत्साह दाखवला. त्यामुळे, पोलिसांनी थेअटरमध्ये धाव घेतली होती. सिनेमा पाहायला आलेल्या काही चाहत्यांनी जवान चित्रपटातील गाणं सुरू असताना थेअटरमध्येच सुतळी बॉम्ब फोडले. त्यामुळे, काही काळ बॉम्ब फुटल्याची अफवाही पसरली होती. तर, सिनेमाचा शो ही बंद करण्यात आला होता. मात्र, ते सुतळी बॉम्ब असल्याचे समजल्यानंतर सर्वांचा जीव भांड्यात पडला. मात्र, या घटनेतील आरोपींवर पोलिसांनी कारवाई केली आहे. सिनेमागृहात किंवा सार्वजनिक ठिकाणी ज्वलनशील पदार्थ तसंच फटाक्यांसारख्या पदार्थांना बंदी आहे. तरीही, येथील सिनेमागृहात जवान सिनेमा पाहताना सुतळी बॉम्ब उडवून भीतीचे वातावरण निर्माण करण्यास कारणीभूत ठरल्याने आणि नियमांचे पालन न केल्याने अतिउत्साही चाहत्यांना पोलिसांनी इंगा दाखवला. दरम्यान, याप्रकरणी मालेगाव शहरातील रमजान पुरा पोलीस स्टेशनमध्ये कार्यवाही करण्याचं काम सुरू आहे.

३५ शिलाई मशीनचे वितरण ; डॉ. भडांगे यांनी स्वीकारले शैक्षणिक पालकत्व. ...

अकोला जिल्ह्यातील घटना. ...

चमू आकोल्यात दाखल; जलयुक्त शिवारच्या सर्वच कामांची पाहणी होणार. ...

शेतकऱ्यांना कर्ज सुलभ उपलब्ध करून देण्यासाठी राबविलेली ‘अर्ज द्या कर्ज घ्या’ हा उपक्रम शेतकऱ्यांसाठी ...

शाळा प्रवेशोत्सव; शाळेचा पहिला दिवस आनंदी करण्याचा उपक्रम. ...

अनधिकृत बांधकामे आणि त्यांच्यावरील कारवाईचा पेच सुटता सुटत नाही. ...

मुंबईतील आंबेडकर भवन पाडल्याचा निषेध. ...