Latest Marathi News

पणजी : राज्यात मटका चालविणाऱ्या अकराशे बुकींसह मटक्याचे आकडे छापणाऱ्या ‘पुढारी’ व ‘तरुण भारत’ या वृत्तपत्रांच्या चौकशीसाठी शेजारच्या राज्यांचीही मदत घेणार असल्याची माहिती गुन्हा अन्वेषण (क्राईम ब्रँच) विभागातील सूत्रांनी शनिवारी दिली. या प्रकरणात या दैनिकांना नोटिसा पाठवून लेखी स्पष्टीकरण देण्याची सूचना केलेली आहे.मटका जुगार राजरोस चालत असतानाही पोलीस कारवाई करत नाहीत. राजकीय पाठबळ आणि हप्तेशाहीमुळे जुगार चालकांना कोणाचेही भय उरलेले नाही. शिवाय, वृत्तपत्रांमधून मटक्याचे आकडे प्रसिद्ध होत असल्याने या जुगाराचा प्रसार वेगाने होण्यास हातभार लागत आहे. त्यामुळे या वस्तुस्थितीकडे लक्ष वेधण्यासाठी माहिती हक्क कार्यकर्ते आणि वीज खात्याचे कर्मचारी काशिनाथ शेट्ये ( रा. रायबंदर-गोवा) यांनी उच्च न्यायालयाच्या पणजी खंडपीठात एप्रिल २०१५ मध्ये एक जनहित याचिका दाखल केली होती. या प्रकरणात पोलिसांनी आठ आॅक्टोबर २०१५ रोजी गुन्हे दाखल केले आहेत. उच्च न्यायालयाच्या पणजी खंडपीठाच्या ३१ आॅगस्ट२०१५ रोजी दिलेल्या आदेशानुसार ही कारवाई करण्यात आली.आता या प्रकरणातील चौकशीला गती मिळाली असून या प्रकरणाच्या तपासासाठी सर्व पर्याय वापरण्याची तयारी पोलिसांनी ठेवली आहे. मटक्याचे जाळे गोव्यासह महाराष्ट्र व इतर राज्यांमध्येही विणले गेल्यामुळे या राज्यांतील पोलिसांचीही मदत घेतली जाईल असे दिसते. ज्या वृत्तपत्रातून मटक्याचे आकडे प्रसिद्ध केले जात असल्याचे न्यायालयाच्या निदर्शनास आणून दिले होते, त्या वृत्तपत्रांच्या महाराष्ट्रातही आवृत्या आहेत. त्यामुळे या प्रकरणाच्या तपासाच्या दृष्टीने फार मोठा पल्ला गुन्हा अन्वेषण विभागाला गाठायचा आाहे. संबंधित वृत्तपत्रांच्या कार्यालयाची झडतीही घेण्याची शक्यता आहे, अशी माहिती सूत्रांकडून देण्यात आली.११०० मटका बुकी, ‘कल्याण’, मिलन, स्टार आदी नावाने मटक्याचे (पान २ वर)

शिवेंद्रसिंहराजेंचा उदयनराजेंना प्रतिटोला : निमंत्रण म्हणजे तोंड बंद ठेवण्यासाठी तोंडात ठेवलेले लॉलिपॉप ...