Latest Marathi News | Breaking News in Marathi | Live News in Marathi | Marathi News Headlines | लोकमत ताज्या बातम्या | मराठी बातम्या | ताज्या मराठी बातम्या लाईव्ह | मराठी लेटेस्ट न्यूज

छत्तीसगडमधून एक मोठी बातमी येत आहे. १ कोटीचा इनाम असलेल्या नक्षलवाद्यांच्या म्होरक्यासह १० नक्षलवाद्यांना मारण्यात यश आले आहे. गरियाबंदमध्ये एन्काऊंटर सुरु आहे. नक्षलवाद्यांकडून थांबून थांबून गोळीबार सुरु आहे. मैनपूरच्या जंगलात नक्षलवाद्यांना सुरक्षा दलांनी घेरले आहे. एसपी निखिल राखेचा यांनी चकमक सुरु असल्याचे सांगितले आहे. गुप्त सूचनेनंतर सुरक्षा दलांनी जंगलात लपलेल्या नक्षलवाद्यांना घेरले होते. या नक्षलवाद्यांत एक कोटींचा इनामी मोडेम बाळकृष्ण देखील असल्याचे समोर आले होते. यामुळे बुधवारी हे ऑपरेशन सुरु करण्यात आले होते. ओडिशा आणि छत्तीसगड सीमेवर बाळकृष्ण कुख्यात होता. त्याला मारण्यात यश आले आहे. या कारवाईमध्ये राज्य पोलिस, केंद्रीय राखीव पोलिस दल (CRPF) आणि कोब्रा बटालियनच्या तुकड्यांचा समावेश होता. बालकृष्ण हा ओडिशा राज्य समिती (OSC) चा वरिष्ठ सदस्य होता, त्याच्यावर १ कोटी रुपयांचे बक्षीस जाहीर करण्यात आले होते. सतधार पुलापासून ८०० मीटर पुढे असलेल्या भागात ही चकमक सुरु होती. गुरुवारी सकाळच्या सुमारास नक्षलवाद्यांनी लावलेल्या आयईडीमुळे इन्स्पेक्टर दिवाण सिंग गुर्जर आणि कॉन्स्टेबल आलम मुनेश गंभीर जखमी झाले आहेत. त्यांना एअरलिफ्ट करून रायपूरला नेण्यात येणार आहे.