Latest Marathi News

शिरूर : डॉक्टर महिलेला माहेरून पैसे आणण्यासाठी मारहाण करून छळ केल्याप्रकरणी पतीसह पाच जणांविरुद्ध शिरूर पोलिस स्टेशन येथे गुन्हा दाखल करण्यात आला आहे. या प्रकरणी पती महेश सुरेश शेळके, सासू द्वारका सुरेश शेळके, सासरे सुरेश चंदरराव शेळके (सर्व रा.श्रीरामनगर सोसायटी, खराडी बायपास, पुणे ) यांसह नणंद सोनाली विवेक नेवाळे (रा.पिंपरी, पुणे ) आणि चैताली प्रफुल्ल रनवरे (रा.वाघोली, पुणे) यांच्याविरुद्ध गुन्हा दाखल करण्यात आला आहे.याबाबत डॉ.पूजा महेश शेळके (२८, रा.बाबूरावनगर, शिरुर) यांनी फिर्याद दिली आहे. डॉ.पूजा शेळके या येरवडा येथील नामांकित हॉस्पिटलमध्ये कार्यरत आहेत. गेल्या वर्षभरात (जानेवारी २०२४ पासून) त्यांचे पती महेश आणि कुटुंबातील इतरांनी तुझ्या बापाकडून पैसे घेऊन ये, असे म्हणत मारहाण केली.शिवीगाळ, दमदाटी करीत सतत अपमानित केले, तसेच डॉ.पूजा यांचे वडील, आई व भावालाही वारंवार फोन करून शिवीगाळ केली. डॉ.पूजा शेळके यांनी दिलेल्या फिर्यादीनुसार, शिरुर पोलिसांनी त्यांच्या पतीसह सासरच्या मंडळींविरुद्ध गुन्हा दाखल केला आहे. पुढील तपास शिरुरचे पोलिस निरीक्षक संदेश केंजळे यांच्या मार्गदर्शनाखाली पोलिस हवालदार दीपक राऊत करीत आहेत.

भारत आणि अमेरिकेने संरक्षण क्षेत्रातल्या भागिदारीच्या सामंजस्य करारावरून चीन आणि पाकिस्तानचा तीळपापड झाला ...