Latest Marathi News

- निरंजन डावखरे , आमदार, भाजपमला लहानपणापासून राजकारणाची आवड होती, किंबहुना राजकारणाचे बाळकडू हे मला माझ्या वडिलांकडून वसंत डावखरे यांच्याकडून मिळाले. परंतु, जर राजकारणी झालो नसतो, तर आयएएस किंवा आयपीएस नक्की झालो असतो, किंबहुना ते व्हायला मला आवडले असते. परंतु, आता राजकारणात मी स्थिरस्थावर झालो आहे.राजकारणाच्या पलीकडे बोलायचे झाले, तर वाचनाची आवड आहे, व्हिडीओ बघताना ज्ञानात भर घालणारेच पाहतो. वेबसिरीज बघणे हा माझा आवडता छंद आहे. ज्यातून आपल्याला राजकारणात फायदा होईल किंवा आपल्या एकूणच देहबोलीसाठी फायदा होईल तेच पाहण्याचा, वाचण्याचा प्रयत्न करतो.कुटुंबाला वेळ देतोराजकारणाबरोबर कुटुंबाकडे लक्ष द्यावेच लागते. त्यामुळे वेळ मिळेल तसा कुटुंबासोबत चित्रपट पहावयास जाणे, वर्षातून एकदा चार ते पाच दिवस फिरायला जाणे हे नियमित करतो. कुटुंबासोबत असतो, तेव्हा सर्व वेळ हा केवळ आणि केवळ कुटुंबासाठीच असतो.माझ्या मुलाचा पदवीदान समारंभ होता, परंतु राजकारणात कामाच्या धबडग्यात मला जाता आले नाही. राजकारणात आल्यानंतर मला सतत कुटुंबाला वेळ देता येणे शक्य होणार नाही, याची पत्नी, मुले यांना कल्पना असल्याने ते मला नेहमीच सहकार्य करतात. त्यांचा ही ऋणी आहे.चरित्र, आत्मचरित्र वाचतोमला जास्तीत शैक्षणिक उपक्रमाची पुस्तके वाचायला आवडतात, जीवनचरित्र, आत्मचरित्र मला अधिक भावते. कपड्यांबाबत सांगायचे, तर मला शर्ट पॅन्ट किंवा झब्बा कुर्ता हेच कपडे घालण्यास आवडतात. प्रेम विवाहाला विरोध झाला नाहीमाझी पत्नी मुस्लिम असली, तरी लग्नाला घरातून कधीही विरोध झाला नाही. पत्नीच्या घरातील काही मंडळींकडून काही शंका उपस्थित झाल्या होत्या. परंतु, दोन्ही कुटुंबांनी हे लग्न स्वीकारले. आमचा सुखाचा संसार सुरू आहे.विकी आवडता कलाकारहिंदीमध्ये अमिताभ बच्चन, दिलीप कुमार आणि आताच्या काळातील विकी कौशल हे माझे आवडते कलाकार आहेत.वडापाव प्रिय आहे...माझा आवडता खाद्यपदार्थ वडापाव आहे, तसेच मिसळ खाण्यास आवडते. ती गरमागरम मिळाली, तर खूपच उत्तम. खाण्याचे कोणत्याही प्रकारचे पथ्य पाळत नाही.फडणवीसांकडून आधारमी २०१८ मध्ये भाजपमध्ये प्रवेश केला. त्याच काळात माझे वडील वसंत डावखरे यांचे निधन झाले होते. त्यामुळे राजकीय आणि घरातील परिस्थिती विस्कळीत झाली होती. त्याच वेळेस मला मुख्यमंत्री देवेंद्र फडणवीस यांनी आधार दिला. त्यामुळेच मी राजकारणात खऱ्या अर्थाने रुजलो. कोकणात फिरतोकुटुंबाबरोबर कोकणात फिरायला आवडते. पर्यटनाच्या दृष्टीने कोकणात खूप सौंदर्य आहे. तेथील खाद्य संस्कृती पर्यटकांना आकर्षित करते.तीन दिवस व्यायामकुटुंबामध्ये सर्वजण फिटनेसच्या दृष्टीने विशेष लक्ष देतो. पूर्वी आठवड्याच्या सातही दिवस फिटनेसकडे लक्ष दिले जात होते. परंतु, आता कामाचा ताण वाढला असल्याने आठवड्यातील तीन दिवस तरी फिटनेसकडे लक्ष देतो. वडिलांकडून शिकलोसंबंध महत्त्वाचे असतात हे वडिलांकडून शिकलो पद, प्रतिष्ठा हे सर्व क्षणिक आहे. आज आहे, उद्या नाही. परंतु, जोडलेले संबंध कायमस्वरूपी तुमच्याबरोबर राहतात. किंबहुना तुम्ही गेल्यानंतरही ते तुमच्या कुटुंबाबरोबर राहतात. शब्दांकन : अजित मांडके

'पोकमॉन गो' या लोकप्रिय गेमची क्रेझ आता कमी होत आहे. ...