Latest Marathi News

लातूर : गेली सहा दशके लातूर, मराठवाडा तसेच राज्य आणि देशाच्या राजकारणात निष्कलंक, सुसंस्कृत आणि संयत नेतृत्वाची ओळख असलेले माजी केंद्रीय गृहमंत्री तथा पंजाबचे माजी राज्यपाल शिवराज पाटील-चाकूरकर यांचे वयाच्या ९१ व्या वर्षी शुक्रवारी सकाळी लातूर येथील निधन झाले. कुटुंबातील विवाह सोहळ्यासाठी ते काही दिवसांपूर्वी दिल्लीवरून लातूरला आले होते. त्यांना अचानक अशक्तपणा जाणवू लागल्याने घरीच त्यांच्यावर उपचार सुरू होते. अखेर शुक्रवारी त्यांची प्राणज्योत मालवली. त्यांच्या पश्चात मुलगा शैलेश पाटील-चाकूरकर, सून अर्चना पाटील-चाकूरकर व नाती ॲड. रुद्राली, ऋषिका असा परिवार आहे. लातूरचे नगराध्यक्ष ते देशाचे केंद्रीय गृहमंत्रीलातूरचे नगराध्यक्ष ते केंद्रीय गृहमंत्री, पंजाबचे राज्यपाल असा त्यांचा दीर्घ, प्रभावी राजकीय प्रवास राहिला. त्यांच्या पार्थिवावर शनिवारी सकाळी ११ वाजता लातूरजवळील वरवंटी येथील त्यांच्या शेतात अंत्यसंस्कार होणार आहेत. सकाळी ९:३० वाजता देवघर येथून अंत्ययात्रा निघेल.शांत, संयमी नेतृत्वगांधी परिवाराचे निकटवर्तीय राहिलेल्या शिवराज पाटील-चाकूरकर यांचे मराठी, इंग्रजी, हिंदी, उर्दू भाषेवर प्रभुत्व होते. ते उस्मानिया विद्यापीठातून विज्ञान शाखेचे पदवीधर झाले. त्यानंतर मुंबई येथून कायद्याचे शिक्षण पूर्ण केले.सर्वधर्मसमभाव ही त्यांची आचारसंहिता. जातीय राजकारणापासून जाणीवपूर्वक दूर राहून त्यांनी नेतृत्व केले. शांत, संयमी आणि विरोधकांनाही आदर देणारे नेतृत्व अशी त्यांची ओळख होती.समाजकल्याणासाठी कटिबद्ध असलेले नेतेमाजी केंद्रीय मंत्री शिवराज पाटील हे अनुभवी तसेच समाजाच्या कल्याणासाठी कटिबद्ध असलेले नेते होते. त्यांनी सार्वजनिक जीवनात आमदार, खासदार, केंद्रीय मंत्री, महाराष्ट्र विधानसभेचे अध्यक्ष तसेच लोकसभा अध्यक्ष अशी अनेक महत्त्वाची पदे भूषवली. - नरेंद्र मोदी, पंतप्रधानएक महनीय व्यक्ती हरपलीमाजी केंद्रीय मंत्री शिवराज पाटील यांच्या निधनाने देशाने सार्वजनिक क्षेत्रात काम करणारी एक महनीय व्यक्ती गमावली आहे. त्यांनी सार्वजनिक जीवनात अतिशय महत्वाच्या पदांवर काम केले. - द्रौपदी मुर्मु, राष्ट्रपती

2008 पासून नळपाणीपुरवठा योजनेसाठी दिलेला लाखो रूपयांचा निधी कुचकामी ठरला आह़े ...

आंबा खरेदीसाठी गर्दी ...

इजिप्तहून मुंबईत आलेल्या इमान अहमदला पुढील उपचारासाठी अबु धाबीच्या बुरजील रुग्णालयात हलवण्यात येऊ शकते. ...

सीबीएसईनं आज जेईई मेन 2017 या परीक्षेचा निकाल जाहीर केला आहे. ...

एटीएममधून तीन ते चार वेळा एकूण 68 हजार 69 रूपये काढून त्यांची फसवणूक केली़ ...

याप्रकरणी दीड महिन्यानंतर धुळे शहर पोलिसात अज्ञात चोरटय़ांविरूध्द गुन्हा दाखल करण्यात आला आह़े ...

मुलांना अतिशय आवडणाऱ्या पाणीपुरीला हेल्थी टच देवून पाणीपुरीची मुलांची हौस घरच्याघरी भागवता येते. ...

एक सामना पावसात वाहून गेल्याने आयपीएल-१० मध्ये अडचणीत सापडलेल्या रॉयल चॅलेंजर्स बेंगळुरूला पुढील ...

आॅनलाईन फसवणुकीद्वारे शहरात पाऊण लाखाचा गंडा ...