Latest Marathi News

नितिन पंडीत भिवंडीः राष्ट्रीय वन्यजीव प्राणी असलेल्या पट्टेरी वाघाची कातडी व पंज्याची तस्करी करणाऱ्या चौकडीला कोनगाव पोलिसांनी मंगळवारी सापळा रचून मोठ्या शिताफीने अटक केली आहे. या तस्करांकडून लाखोंचा मुद्देमालही जप्त करण्यात आला आहे. प्रशांत सुशीलकुमार सिंग (वय २१, राहणार वडाळा पूर्व, मुंबई), चेतन मंजे गौडा (वय २३, रा. वडाळा, मुंबई), आर्यन मिलिंद कदम (वय २३, रा. वडाळा पूर्व, मुंबई), अनिकेत अच्युत कदम (वय २५, रा. सायन कोळीवाडा, मुंबई) अशी अटक करण्यात आलेल्या तस्करांची नावं आहे. या चौघांनाही बुधवारी न्यायालयात हजर केले असता, त्यांना २५ एप्रिलपर्यंत पोलीस कोठडी सुनावण्यात आली आहे.भिवंडी तालुक्यातील नाशिक मुंबई बायपास महामार्गावर ठाकुरपाडा गावाच्या हद्दीतील बासुरी हॉटेलचे समोर काही तस्कर पट्टेरी वाघ या वन्यजीव प्राण्याचे कातडे व पंजा विक्री करणेकरिता येणार असल्याची माहिती सहा. पोलीस निरीक्षक अभिजीत पाटील यांना मिळाली होती. त्या अनुषंगाने कोनगाव पोलीस ठाण्याचे वरिष्ठ पोलीस निरीक्षक गणपतराव पिंगळे यांच्या मार्गदर्शनाखाली सहा. पोलीस निरीक्षक अभिजीत पाटील यांनी वन विभागाचे कर्मचारी व वॉर रेस्क्यू फाउंडेशनचे वन्यजीव अभ्यासक सुहास पवार व योगेश कांबळे यांच्यासह सापळा रचून चार जणांना ताब्यात घेतले. या प्रकरणी कोनगाव पोलीस ठाण्यात वन्यजीव संरक्षण कायदा १९७२ चे कलम ९, ३९(३), ४४, ४८(अ), ४९ (बी), ५१ प्रमाणे गुन्हा दाखल करून लाखो रुपये किंमतीचे पट्टेरी वाघाचे सोलून काढलेले, कडक झालेले व सुकलेले काळ्या व पिवळ्या पट्टे असलेले कातडे व पाच नखे असलेला पंजा असा मुद्देमाल कोनगाव पोलिसांनी हस्तगत केला आहे. दरम्यान, हा मुद्देमाल या चारही आरोपींनी कुठून आणला, तो कुणाला विकण्यासाठी चालविला होता, याचा तपास पोलिसांनी सुरू केल्याची माहिती वरिष्ठ पोलीस निरीक्षक गणपतराव पिंगळे यांनी दिली आहे. तर पोलीस उपनिरीक्षक पराग भाट, सहा. पोलीस उप निरीक्षक वामन सूर्यवंशी, पोलीस हवालदार राजेश शिंदे, संतोष मोरे, पो. ना विनायक मासरे, संतोष पवार, अविनाश पाटील, अशोक ढवळे, कृष्णा महाले व गणेश चोरगे या पोलीस पथकाने तस्करांना पकडण्यासाठी सापळा रचला होता. या गुन्ह्याचा अधिक तपास सहायक पोलीस निरीक्षक अभिजीत पाटील करत आहेत.

मुलांचे शिक्षण, शाळेची निवड याला घेऊन पालकांमध्ये मोठी चिंता असते. परंतु ‘लोकमत’ व ‘सेंट पॉल स्कूल’, ...

आंबेगाव तालुक्याच्या पश्चिम आदिवासी भागातील पिंपरी-साकेरी यादरम्यान असणारा जुना पूल अखेरच्या घटका मोजत आहे. ...

देवकरवाडी (ता. दौंड) येथील हनुमान विद्यालयात शौचालय नसल्याने विद्यार्थ्यांची कुचंबणा होत आहे. या ...

मुख्यमंत्री देवेंद्र फडणवीस यांचे प्रतिपादन; विकासाच्या मुद्यावर सरकार नेहमीच पाठीशी ...

जिल्हा परिषद, पंचायत समितीसाठी निवडणूक लढवीत असलेल्या उमेदवारांमध्ये ६५ पैकी केवळ १५ उमेदवार हे पदवीधर आहेत ...

सर्वच पक्षांचा समावेश; अपक्ष उमेदवारांची संख्या सर्वाधीक. ...

ईव्हीएम मशीनवर उमेदवारांचे नाव व चिन्ह सील करण्याची प्रक्रिया सध्या सुरू आहे ...