Latest Marathi News

लोकमत न्यूज नेटवर्कमुंबई : काही लोकांना निवडणुका आल्यावर जनतेची आठवण येते, एरवी हम दो हमारे दो असते. निवडणुकीचे वारे फिरायला लागल्यावर यांना हिंदुत्व, मराठी माणूस आठवतो आहे. पण मतदार या निवडणुकीतही तुमची जागा दाखवल्याशिवाय राहणार नाही, अशा इशारा उपमुख्यमंत्री व शिंदेसेनाप्रमुख एकनाथ शिंदे यांनी उद्धव ठाकरेंना दिला आहे. वरळी येथे आयोजित शिंदेसेनेच्या वर्धापनदिन कार्यक्रमात ते बोलत होते.यावेळी व्यासपीठावर शिंदेसेनेचे मंत्री, आमदार, खासदार उपस्थित होते. ऑपरेशन सिंदुरनंतर भारताची बाजू जगभरात मांडण्यासाठी गेलेल्या शिष्टमंडळात समावेश असलेल्या खा. श्रीकांत शिंदे आणि मुरली देवरा यांचा यावेळी सत्कार करण्यात आला तर या अनुभवावर आधारित त्यांच्या मुलाखतीचा कार्यक्रमही झाला.उद्धव ठाकरेंचा समाचार घेताना शिंदे पुढे म्हणाले की, हे आता मराठी माणसाच्या नावाने खोटे गळे काढतील. मला विचारायचे आहे बाळासाहेबांनंतर मराठी माणसासाठी यांनी काय केले त्याचा हिशोब द्या. तुमच्या नाकर्तेपणामुळे मुंबईतील मराठी माणूस बाहेर गेला, हे पाप तुमचे आहे, गेली २० वर्ष मुंबईत कुणी सत्ता गाजवली हे सर्वश्रुत आहे.नवे अभियानसासरच्या छळाला कंटाळून एका लेकीने आपले आयुष्य संपवले. ही वृत्ती ठेचून काढली पाहिजे, त्यासाठी आज आपण ‘लाडक्या लेकीचे रक्षण, हेच शिवसेनेचे वचन’ अभियान सुरू केले आहे. प्रत्येक घरातील सून ही एकनाथ शिंदेची लाडकी बहीण आहे हे सांगून ठेवतो, अशा इशारा शिंदेंनी दिला आहे.हा देशद्रोहापेक्षा मोठा गुन्हा उद्धव ठाकरे भाषणात म्हणाले कम ऑन किल मी, ते इंग्लीश पिक्चर बघून आले असतील, पण मरे हुए को क्या मारना, महाराष्ट्राने विधानसभा निवडणुकीत तुमचा मुडदा पाडला. नुसता करून शोर मनगटात येत नाही जोर, वाघाचे कातडे पांघरून लांडगा वाघ होत नाही, त्याला शेर का कलेजा लागतो, अशा शब्दात शिंदेंनी ठाकरेंच्या भाषणाचा समाचार घेतला. ऑपरेशन सिंदुरवर प्रश्न उपस्थित करणाऱ्या राहुल गांधींचाही शिंदे यांनी यावेळी समाचार घेतला. गांधींचा आपल्या लष्करावर, पंतप्रधानांवर विश्वास नाही, त्यांना पाकिस्तानवर विश्वास आहे. गांधी आणि उबाठाच्या चमच्यांना प्रश्न पडलाय किती विमाने पडली, किती ड्रोनचे नुकसान झाले. भारतीय लष्कराच्या पराक्रमावर प्रश्न विचारताय, हा देशद्रोहापेक्षा मोठा गुन्हा आहे. तुम्ही भारतीय आहात की पाकचे एजंट आहात, असा सवाल शिंदेंनी केला.

जागतिकीकरणात मानवी जीवनाच्या उत्थानाचे केंद्रबिंदू मराठी लोकनाट्यात सामावले आहे, ...

तिरोडा येथून गोंदियाकडे येत असलेला हा ट्रक एकोडी येथे मंगळवारी दुपारी १२ च्या सुमारास उलटला. समोर आलेल्या ...

वातावरणात सतत बदल होत असल्यामुळे उन्हाळी धान पिकांवर मोठा दुष्परिणाम दिसून येत आहे. ...

गोठेधारकांकडूनपाण्याचा अपव्यय ...

अधिकाऱ्यांवर विश्वास टाकल्यास ते झोकून काम करतात असा माझा अनुभव आहे. ...