Latest Marathi News

पणजी : गोव्याचे राज्यपाल भारत वीर वांच्छू यांची अगुस्ता वेस्टलँड हेलिकॉप्टर खरेदी घोटाळ्याप्रकरणी सीबीआयने शुक्रवारी सकाळी चौकशी केल्यानंतर त्यांनी अखेर सायंकाळी राष्ट्रपतींकडे राजीनामा सादर केला.वांच्छू यांनी राजीनामा द्यावा, अशी सूचना केंद्रीय गृह सचिव अनिल गोस्वामी यांनी सायंकाळी राज्यपालांना केली होती. त्यानंतर त्यांनी राजीनामा पत्र राष्ट्रपतींच्या कार्यालयास फॅक्स केल्याचे सूत्रांनी सांगितले. राष्ट्रपतींकडून हे पत्र केंद्रीय गृह मंत्रालयास पाठविले जाईल. गोव्याचे नवे राज्यपाल म्हणून कोण सूत्रे हाती घेतील ते अजून स्पष्ट झालेले नाही. वांच्छू यांच्या राजीनाम्याची चर्चा काही दिवस होती, अखेर ती खरी ठरली.फौजदारी प्रक्रिया संहितेच्या कलम १६१ नुसार सीबीआयने शुक्रवारी वांच्छू यांचा साक्षीदार या नात्याने जबाब नोंदविला. माजी राष्ट्रीय सुरक्षा सल्लागार एम. के. नारायणन यांचाही सीबीआयने साक्षीदार म्हणून काही दिवसांपूर्वी जबाब घेतला होता. त्यानंतर तीनच दिवसांत नारायणन यांनी पश्चिम बंगालच्या राज्यपालपदाचा राजीनामा दिला. वांच्छू काही दिवसांपूर्वी दिल्लीत केंद्रीय गृहमंत्री राजनाथ सिंह यांना भेटले होते. या भेटीत त्यांनी राजीनाम्याची तयारी दर्शविली होती, असे समजते. (प्रतिनिधी)

आयुष्यभर वंचितांच्या प्रश्नासाठी लढा देणाऱ्या बाबासाहेबांच्या जीवनातील दुर्मिळ प्रसंगांचे हुबेहुब चित्रण ...

बडवाणी : आठ वर्षांपासून सात लाखांचा निधी मंजूर, मात्र जागा उपलब्ध होत नसल्याने शाळा बांधकाम रखडले ...

तालुक्यातील गुंज ग्रामपंचायतीच्या सरपंचाविरुद्ध दाखल करण्यात आलेला अविश्वास प्रस्ताव अखेर दहा विरुद्ध ...

शासनाने कोट्यवधी रुपये खर्च करून राबविलेल्या जलयुक्त शिवार योजनेचे पितळ पाणीटंचाईने उघडे पाडले आहे. ...

मशिदीवरून होणाऱ्या अजानमुळे माझी रोज झोपमोड होते, असे वादग्रस्त वक्तव्य करून मुस्लिम ... ...

चाळीसगाव तालुक्यातील शेतकरी संतप्त : रोज वेगवेगळी कारणे दाखवून चालढकल ...

घटमांडणीला ३०० वर्षाची परंपरा : पावसाच्या भाकिताकडे शेतकऱ्यांचे लक्ष ...

जिल्ह्यातील ३४२ प्रकल्पांनी तळ गाठला. यामुळे प्रकल्पालगतच्या गावांमध्ये पाणीटंचाई तीव्र झाली. ...