Latest Marathi News

पुणे : नाना पेठेतील टोळीयुद्धातून गणेश विसर्जनाच्या पूर्वसंध्येला आयुष कोमकर याच्यावर गोळीबार करून खून करण्यात आला. यामध्ये आरोपी म्हणून आतापर्यंत बंडू आंदेकर यांच्यासहित १४ जणांना अटक करण्यात आली आहे. आता एकूण अटक केलेल्या आरोपींची संख्या १४ झाली आहे. या प्रकरणात नवी अपडेट समोर आली आहे. बंडू आंदेकर यांची सून आणि वनराज आंदेकरची बायको सोनाली आंदेकर हिला पोलिसांनी चौकशीसाठी ताब्यात घेतले आहे. कोमकर खून प्रकरणात आंदेकर टोळीचा म्होरक्या बंडू आंदेकर याचा मुलगा कृष्णा आंदेकर हा पोलिसांना शरण आला. कृष्णा आंदेकर हा आयुष कोमकर हत्या प्रकरणात मुख्य आरोपींपैकी एक आहे. आता आयुष कोमकर हत्या प्रकरणात कृष्णा आंदेकरचा जवळचा शुटर मुनाफ पठाण यालाही आज अटक करण्यात आली आहे. या प्रकरणात एकूण अटक केलेल्या आरोपींची संख्या आता १४ झाली आहे. आयुष कोमकरच्या हत्येप्रकरणी आणखी काही पुरावे शोधण्यासाठी कुटुंबासहीत सोनाली आंदेकरला ताब्यात घेतले आहे. या प्रकरणी गुजरात सीमेवरून शिवम उदयकांत आंदेकर (३१), अभिषेक उदयकांत आंदेकर (२१), शिवराज उदयकांत आंदेकर (२९) आणि माजी नगरसेविका लक्ष्मी उदयकांत आंदेकर (६०, सर्व रा. नाना पेठ) यांना अटक करण्यात आली होती. तर शरण आलेल्या कृष्णा आंदेकरला पोलिसांनी ताब्यात घेतले आहे. कोमकर खून प्रकरणात आंदेकर टोळीचा म्होरक्या सूर्यकांत उर्फ बंडूअण्णा आंदेकर (७०), त्याचा नातू तुषार नीलंजय वाडेकर (२७), स्वराज नीलंजय वाडेकर (२३), मुलगी वृंदावनी नीलंजय वाडेकर (४०), अमन युसूफ पठाण (२५), यश सिद्धेश्वर पाटील (१९), अमित प्रकाश पाटोळे (१९, सर्व रा. नाना पेठ) आणि सुजल राहुलू मेरगु (२०, आंध्र झार आळी, भवानी पेठ) यांना पूर्वीच अटक करण्यात आली आहे. आता मुनाफ पठाणलाही पिस्टल पुरवल्याप्रकरणी अटक करण्यात आली आहे. आता सोनाली आंदेकरला पोलिसांनी ताब्यात घेतले आहे. दरम्यान, ५ सप्टेंबर रोजी सायंकाळी आयुष कोमकर हा लहान भावाला क्लासवरून घेऊन साडेसातच्या सुमारास नाना पेठेतील हमाल तालमीजवळ असलेल्या सोसायटीत आला. तळमजल्यावर दुचाकी लावत असताना आयुषवर पिस्तुलातून बेछूट गोळीबार करून त्याचा खून करण्यात आला होता. याबाबत आयुषची आई कल्याणी (३७) यांनी समर्थ पोलिस ठाण्यात फिर्याद दिली. गुन्हा दाखल झाल्यानंतर बंडू आंदेकरसह साथीदारांना बुलढाणा परिसरातून अटक करण्यात आली. आंदेकर टोळीतील पाच आरोपी पसार झाले होते. गुन्हे शाखेचे पथके त्यांच्या मागावर होती. कोमकर खून प्रकरणात बंडू आंदेकरसह १३ आराेपींविरोधात मकोका अंतर्गत कारवाई करण्यात आली आहे. या १३ जणांना अटकही करण्यात आली आहे.

शहरानजीकच्या ११ ग्रा.पं.तील बांधकाम परवानगीची चौकशी स्थानिक गुन्हे शाखेच्यावतीने सुरू आहे. ...

कारकिर्दीत प्रथमच आयसीसी स्पर्धेत खेळण्यासाठी केदार जाधव उत्सुक असणे स्वाभाविक आहे, पण इंग्लंडमधील ...

मोजमाप त्वरित करण्याबाबत माजी आ.सानंदा यांच्या सूचना ...