Latest Marathi News

मराठमोळी अभिनेत्री छाया कदम (Chhaya Kadam) कायम दमदार परफॉर्मन्स देत असते. तिच्या अभिनयाचे केवळ मराठी इंडस्ट्रीतच नाही तर बॉलिवूडमध्येही चाहते आहेत. कोकणातल्या गावातून आलेली छाया कदमचं नाव आज जगभर गाजत आहे. तिच्या 'ऑल वी इमॅजन अॅज लाइट' सिनेमाचं स्क्रीनिंग प्रतिष्ठित कान्स महोत्सव मध्येही झालं. छायानेही कान्सला पहिल्यांदाच हजेरी लावली. सगळीकडूनच तिचं कौतुक होत आहे. नुकतंच छायाने एक जुना फोटो शेअर करत भावना मांडल्या आहेत.छाया कदमने शेअर केलेले फोटो तिच्या करिअरच्या सुरुवातीच्या काळातले आहेत. यासोबत ती लिहिते, "खूप वर्षांनी हे फोटो समोर आले आणि मी अगदी पहिल्याच वेळेस कॅमेरा फेस केलेल्या दूरदर्शन वाहिनीच्या ‘फाट्यावरचे पाणी’ या लघुपटाची आठवण झाली. २००३ सालच्या जवळपास मला चुकून मिळालेली अभिनयाची ही संधी, पुढे माझ्या जगण्याची गोष्टच झाली. ती अगदी आजतागायत. आणि पुढेही अगदी शेवटा पर्यंत कायम असेल. अनेक जणांसोबत बोलत असताना - चर्चा करत असताना. तर कधी मुलाखती मधून प्रत्येकवेळी ही आठवण माझ्याकडून सांगितलीच जाते. कारण तिथूनच माझ्यात कॅमेराच्या मैत्रीला सुरुवात झाली. त्यानंतर पुढे नाटक - मालिका आणि चित्रपट असा प्रवास वाढत गेला.खरतर या लघुपटात अभिनयाचे काम मागण्यासाठी मी दूरदर्शना गेले होते, पण आधीच सगळी कास्टिंग झाल्या कारणाने त्यांनी मला सहाय्यक दिग्दर्शक म्हणून घेतले, आणि पुढे मी शूटिंगसाठी संपूर्ण टीम सोबत बारामतीला गेले. आणि अगदी शूटच्या दिवशी कास्टिंग झालेली अभिनेत्री काही कारणास्तव पोहचू शकणार नाही हे कळताच मला अभिनयासाठी उभे राहण्याची संधी मिळाली. त्यावेळी दिग्दर्शक असलेल्या शरण बिराजदार सरांनी माझ्यावर ऐनवेळी ठेवलेला विश्वास आणि अरुण नलावडे दादा व नंदू माधव यांच्या सोबत मी काम करत असताना त्यांनी मला सांभाळून घेतलेली आपलेपणाची भावना माझ्यासाठी आनंद देणारी होती. तसेच त्यावेळी माझ्याबरोबर असिस्टंट म्हणून सोबत असलेल्या संदेश राणे या मित्राला कधीच विसरू शकत नाही. आणि मला बिराजदार सरांपर्यंत पोहचण्यास ज्यांनी मदत केली ते रवी मुरबाडकर यांनाही विसरू शकत नाही. आठवणी अश्याच असतात. आज आपण कुठे आहोत यापेक्षा आपण कुठून सुरुवात केली होती, त्या जिद्दीची गोष्ट आपल्याला पुन्हा नव्याने ऐकवतात. हा फोटो पाहताना पुन्हा एकदा असे वाटले की, अनेक वर्षांपूर्वी मी जी काही कॅमेरा समोर ठाण मांडून बसले होते, ते अगदी आज पर्यंत कॅमेराच्या डोळ्यात डोळे घालून बोलत आहे. आणि बोलत राहीन."छाया कदमने मराठीत 'न्यूड' सिनेमा केला होता ज्याचीही खूप चर्चा झाली. ती नुकतीच 'लापता लेडीज','मडगांव एक्सप्रेस' मध्येही दिसली. 'सैराट' सिनेमातही तिच्या छोट्याशा भूमिकेचं खूप कौतुक झालं होतं.

छत्तीसगडच्या बीजापूर जिल्ह्यात नक्षलवाद्यांनी पोलिसांच्या वाहनावर मोठा हल्ला केल्याची माहिती समोर आली आहे. ...

छत्तीसगडचे पत्रकार मुकेश चंद्राकर यांचा शवविच्छेदन अहवाल समोर आला आहे. ...

8 Reasons Why Khichdi Is Best For weight Loss : हेल्दी डाएटबरोबरच हलका, फुलका व्यायाम करत राहायला हवं. ...

नव्या वर्षाच्या सुरुवातीला अनेकजण संकल्प करत असतात. मात्र, बहुतांश लोकांचे महिनाभरातच हे संकल्प मोडतात ...

घुले आणि सांगळे यांना पुण्यातून पकडताच शनिवारी सायंकाळी वायबसे दाम्पत्याला नोटीस देऊन सोडण्यात आले ...

यासंदर्भातील तपशीलवार माहिती मागितल्यानंतर पालिकेकडून त्याबाबत स्पष्टीकरण देण्यात आले आहे ...

सध्या सोशल मीडियावर सलमान खानच्या गॅलेक्सी अपार्टमेंटचा एका व्हिडीओ समोर आला आहे. ...

नेपाळमधील काठमांडू येथील त्रिभुवन विमानतळावर एका विमानाचे इमर्जन्सी लॅडिंग करण्यात आले. ...