Latest Marathi News

गुजरात येथील कनिज गावात नदीत बुडून ६ मुलांचा मृत्यू झाल्याची दुर्दैवी घटना घडली. या घटनेतील मुले अहमदाबादहून त्यांच्या मामाच्या घरी सुट्टी साजरी करण्यासाठी गेली होती. बुधवारी संध्याकाळी मेश्वो नदीत आंघोळीसाठी गेली असताना ते पाण्यात बुडाले. स्थानिकांनी या मुलांना वाचवण्याचा प्रयत्न केला. परंतु, ते अपयशी ठरले. एकाच कुटुंबातील सहा मुलांचा दुर्दैवी मृत्यू झाल्याने गावात शोककळा पसरली आहे.दिव्या रामजीभाई सोलंकी,भूमिका भूपेंद्रभाई जादव, जिनल पंकजभाई सोलंकी, ध्रुव पंकजभाई सोलंकी, फाल्गुनी आणि मयूर असे पाण्यात बुडून मृत्यू झालेल्या लोकांची नावे आहेत. मिळालेल्या माहितीनुसार, हे सर्वजण त्यांच्या मामाच्या घरी सुट्टी साजरी करण्यासाठी गेली होती. बुधवारी संध्याकाळी ६.३० वाजताच्या सुमारास ही मुले अंघोळीसाठी मेश्वो नदीत गेली. नदीत उतरल्यानंतर ते पाण्यात बुडाले. तिथे उपस्थित असलेल्या तीन जणांनी त्यांना वाचवण्याचा प्रयत्न केला. परंतु, ते अपयशी ठरले. अपघाताची माहिती मिळताच स्थानिक आमदार अर्जुन सिंह चौहान, जिल्हाधिकारी अमित प्रकाश यादव, खेडा जिल्हा पोलीस प्रमुख राजेश गढिया घटनास्थळी दाखल झाले. स्थानिक लोक आणि अग्निशमन दलाच्या पथकाने ३ तासांच्या अथक परिश्रमानंतर नदीत बुडालेल्या ६ मुलांचे मृतदेह बाहेर काढले आणि शवविच्छेदनासाठी मेहमदाबाद सरकारी रुग्णालयात पाठवले. या हृदयद्रावक घटनेमुळे कनीज गावात कुटुंबासह शोककळा पसरली आहे.

हे आहे चीनमधील शहर. याचे वैशिष्ट्य म्हणजे या शहरातील एका भागातील लोक चक्क समुद्रावरच राहातात. ...

विल्सन आणि एन. मुटुरा जोडप्याने पैशांच्या टंचाईमुळे आपले लग्न अवघ्या एक डॉलरमध्ये पार पाडले होते ...

चीनने उत्तर कोरियाच्या अणुकार्यक्रमाला लगाम न घातल्यास अमेरिका एकटाच त्याचा बंदोबस्त करण्यास तयार आहे ...

भ्रष्टाचाराचे आरोप असलेले हिमाचल प्रदेशचे मुख्यमंत्री वीरभद्र सिंह यांच्या राजीनाम्याची मागणी केली ...