Latest Marathi News

सांगली : जिल्ह्यासह धरणक्षेत्रात पावसाचा जोर कमी झाल्यामुळे ‘कोयना’ आणि ‘वारणा’ दोन्ही धरणांतून शुक्रवारी विसर्ग बंद केला आहे. यामुळे कृष्णा नदीची दिवसात सात फुटाने पाणीपातळी कमी होऊन रात्री ३६.६ फूट झाली होती. शनिवारी सकाळी १० वाजेपर्यंत ३० फुटापर्यंत पाणीपातळी कमी होईल, असा पाटबंधारे विभागाने अंदाज वर्तविला आहे. बहुतांशी रस्ते, पुलांवरील पाणीपातळी कमी होऊन वाहतूक सुरळीत सुरू होईल, असा प्रशासनाचा दावा आहे.कोयना धरण क्षेत्रात पाऊस कमी झाल्यामुळे धरणात ९८.८९ टीएमसी म्हणजेच ९३.९६ टक्के पाणीसाठा झाला आहे. यामुळे कोयना धरणाचे शुक्रवारी सायंकाळी सर्व दरवाजे बंद करून पायथा विद्युतगृहाचे दोन्ही युनिट सुरू आहेत. त्याद्वारे दोन हजार १०० क्युसेक विसर्ग सुरू आहे. पाऊस आणि धरणातून विसर्ग थांबल्यामुळे कृष्णा नदीची सांगली आयर्विन पूल येथे रात्री सात फुटाने उतरून ३६.६ फूट झाली होती.शनिवारी सकाळी १० वाजेपर्यंत ३२ ते ३० फुटापर्यंत पाणीपातळी कमी होणार आहे. पाणीपातळी कमी होऊ लागल्यामुळे नदीकाठच्या गावांना दिलासा मिळाला आहे. सांगली शहरातील कराड येथील कृष्णा आणि कोयना पुलांसह ताकारी, बहे पुलाची पाणीपातळी कमी झाली. सांगली, मिरज शहरातील नदीकाठच्या काही उपनगरांत पाणी शिरले होते. तेथील पाणीही कमी झाल्यामुळे नागरिकांकडून घरातील स्वच्छता सुरू केली आहे. या मार्गावरील अमणापूर, भिलवडी, ताकारी पुलांवरील वाहतूक सायंकाळपासून सुरळीत सुरू झाली आहे.वारणा धरणाचे गुरुवारी सायंकाळीच दरवाजे बंद केले आहेत. वक्र दरवाजे बंद करून विद्युत गृहातून एक हजार ६३० क्युसेक विसर्ग वारणा नदीपात्रात सोडला आहे. वारणा नदीची पाणीपातळी कमी होऊ लागली आहे. यामुळे वारणा नदीवरील पूल, बंधारे शनिवारी रिकामे होतील, असा प्रशासनाचा दावा आहे. पुराचे पाणी कमी झाल्यामुळे नदीकाठच्या गावांना दिलासा मिळाला आहे.कृष्णा नदीची पाणीपातळी (फूट इंचामध्ये)कृष्णा पूल कराड - २२बहे पूल - ८.१०ताकारी पूल - ३५.५भिलवडी पूल - ३८.६सांगली आयर्विन - ३६.६राजापूर बंधारा - ४२.५रस्ते मोकळे होण्यास सुरुवातकृष्णा, वारणेवरील पाण्याखाली गेलेले पूल, रस्ते सलग तिसऱ्या दिवशी शुक्रवारपर्यंत पाण्यात होते. सायंकाळनंतर वारणा नदीचे पाणी कमी झाल्यामुळे शिराळा तालुक्यातील मोरणा नदीवरील कांदे-मांगले, वारणा नदीवरील चरण-कोडोली, आरळा-शित्तर, बिळाशी-भेडसगाव, कांदे-सावर्डे या पूल, बंधाऱ्यावरील पाणी कमी होण्यास सुरुवात झाली आहे. पलूस तालुक्यातील कृष्णा नदीवरील खटाव-नांद्रे, घोगाव-दुधोंडी, आमणापूर, भिलवडी हे पूल रिकामे झाल्यामुळे वाहतूक सुरू झाली आहे.धरणातील पाणीसाठाधरण पाणीसाठा (टीएमसी)/ टक्केकोयना - ९८.८९ - ९३.९६वारणा - ३१.६२ - ९२धोम - १३.१८ - ९८कण्हेर - ९.६८ - ९६उरमोडी - ९.८२ - ९८ तालुकानिहाय चोवीस तासांतील पाऊसतालुका - पाऊस मिलिमीटरमध्येमिरज - १.२जत - ०.२खानापूर - १वाळवा - १.५तासगाव - १शिराळा - ७.७आटपाडी - ०.५क.महांकाळ - ३.५पलूस - १कडेगाव - १.१

सुपरबाईकवरून शर्यत लावणं एका तरूणाच्या चांगलंच अंगलट आलं आहे. ...

विराट कोहलीच्या विजय उत्साहात सहभागी होण्यासाठी बॉलिवूड अभिनेत्री अनुष्का श्रीलंकेत पोहचली. ...