Latest Marathi News

जळगाव : यावर्षी झालेल्या अतिथंडीमुळे ऑगस्ट-सप्टेंबर महिन्यांत लागवड केलेल्या केळी बागांना मोठा फटका बसला असून, अनेक शेतकऱ्यांवर केळी बागा उपटून टाकण्याची वेळ आली आहे. गुढे परिसरात मोठ्या प्रमाणावर केळीची लागवड केली जाते. मात्र, यंदा तापमान १० अंश सेल्सिअसच्या खाली गेल्याने केळीच्या झाडांची वाढ खुंटली असून, पाने व शेंडे करपण्याचे प्रमाण वाढले आहे.या परिसरातील शेतकऱ्यांनी ऑगस्ट-सप्टेंबर महिन्यांत केळीची रोपे तसेच काही ठिकाणी खोडांची लागवड केली होती. सामान्यतः केळी पिकासाठी २५ अंशांपेक्षा जास्त तापमान आवश्यक असते. मात्र, यावर्षी झालेल्या तीव्र थंडीमुळे केळी पिकाला मोठा फटका बसला आहे. एकरी सुमारे १ लाख ३० हजार रुपयांपर्यंत खर्च करूनही केळीची झाडे सुकत असून वाढ पूर्णतः थांबली आहे.फवारण्याही 'फेल'शेतकऱ्यांनी यावर उपाय म्हणून रासायनिक व सेंद्रिय खतांचा वापर, तसेच महागड्या फवारण्या करून पाहिल्या. मात्र अपेक्षित परिणाम न मिळाल्याने गुढे व परिसरातील अनेक शेतकरी आपली केळी बाग काढून टाकण्याच्या तयारीत आहेत.उत्पादन खर्च वाढलाकेळी पिकाला लागवडीपासूनच मोठ्या प्रमाणात खर्च करावा लागतो. मात्र, सध्या बाजारात केळीला ७०० ते १ हजार रुपये इतकाच भाव मिळत आहे. उत्पादन खर्च आणि मिळणारा भाव यांचा ताळमेळ बसत नसल्याने केळी उत्पादक शेतकरी संकटात सापडला आहे.केळी हे अत्यंत खर्चिक पीक आहे. त्यातच बाजारभाव खर्चाच्या तुलनेत खूपच कमी मिळत आहेत. अतिथंडीमुळे नव्याने लागवड केलेल्या केळीची वाढ होत नसून बाग उपटून टाकण्याची वेळ आली आहे.- कैलास वनामाळी, केळी उत्पादक शेतकरी, गुढे, ता. भडगाव

पोलिसांनी दिलेल्या माहितीनुसार, कविता महेंद्र भालेराव (वय ३०, खंडेवस्ती) यांनी पतीविरोधात फिर्याद दिली आहे. ...

स्मार्ट सिटी योजना : भाजपा शहराध्यक्षांसह महापालिका पदाधिकारी व अधिकारी दौऱ्यावर; नागरिकांची टीकाटिप्पणी ...

पुणे-मुंबई राष्ट्रीय महामार्ग : देहूरोड येथील उड्डाणपुलाला जोडणार; डिसेंबरअखेर वाहतुकीसाठी होणार खुला ...

आर्थिक नुकसान : सुटीनिमित्त प्रवासी संख्या कमी झाल्याचा परिणाम ...

दरोड्याची तयारी : एक पिस्टल, जिवंत काडतूस, घातक शस्त्रे जप्त ...

शेतकरी हवालदिल : उत्पादनखर्चही निघेना, उत्पादनात होणार घट ...

दिलीप वळसे-पाटील : ग्रामस्थांनी केला शांतारामबापूंचा हृद्य सत्कार ...

अल्पवयीन आरोपी : आईवडिलांना मारण्याची धमकी ...

अधिकाऱ्यांकडून दुकानदाराची पाठराखण : सांगवीच्या स्वस्त धान्य दुकानदाराकडून लाभार्थींना धमकी ...