Latest Marathi News

होर्मुझ सामुद्रधुनी अजूनही पूर्णपणे खुली झालेली नाही. काही देशांच्या जहाजांना जाण्याची परवानगी दिली असली, तरी अजूनही त्याचे प्रमाण कमीच आहे. भारताची अनेक जहाजे पर्शियन गल्फ आणि पश्चिम फारस खाडीमध्ये अडकली आहेत. याबद्दल केंद्र सरकारच्या वरिष्ठ अधिकाऱ्यांनी माहिती दिली. गेल्या दोन दिवसात भारताच्या २ एलपीजी जहाजांनी होर्मुझ पार केल्याचे केंद्रीय अधिकाऱ्यांनी सांगितले. केंद्र सरकारच्या बंदरे, जहाज बांधणी आणि सागरी मार्ग मंत्रालयाचे अतिरिक्त सचिव मुकेश मंगल यांनी आखाती देशात अडलेल्या भारतीय जहाजे आणि नाविकांची माहिती दिली. मंगल यांनी सांगितले की, "या क्षेत्रात असलेले सर्व भारतीय नागरिक सुरक्षित आहेत. मागील २४ तासांमध्ये भारतीय ध्वज असलेल्या कोणत्याही जहाजासोबत दुर्घटना झालेली नाही. मागील दोन दिवसांमध्ये भारतीय ध्वज असलेले ग्रीन सानवी आणि ग्रीन आशा या दोन एलपीजी जहाजांनी सुरक्षितपणे होर्मुझ सामुद्रधुनी पार केली आहे." दोन जहाजांमध्ये किती टन एलपीजी?"ग्रीन सानवी जहाजामध्ये जवळपास ४६.५ हजार मेट्रिक टन एलपीजी आहे. या जहाजावर २५ नाविक आहेत. तर ग्रीन आशा या जहाजावर १५.५ हजार मेट्रिक टन एलपीजी असून, २६ नाविक आहेत", अशी माहिती मंगल यांनी सोमवारी (६ एप्रिल) दिली. भारताची अजून किती जहाजे अडकली आहेत?पश्चिम फारस खाडीमध्ये भारतीय झेंडा असलेली १६ जहाजे अडकून पडली आहेत. या जहाजांवर ४३३ नाविक आहेत. डीजी शिपिंगने समुद्रातील जहाजांवर काम करणाऱ्या तब्बल १६०० नागरिकांना परत आणले आहे. होर्मुझ सुरू करण्यासाठी ट्रम्प यांचा दबावदरम्यान, अमेरिकेचे अध्यक्ष डोनाल्ड ट्रम्प यांच्याकडून होर्मुझ सामुद्रधुनी खुली करण्यासाठी इराणवर दबाव टाकला जात आहे. ट्रम्प यांच्याकडून सातत्याने होर्मुझ मुद्द्यावर जोर दिला जात असून, रविवारी केलेल्या पोस्टमध्ये त्यांनी इराणला उद्ध्वस्त करण्याची धमकीही दिली.होर्मुझ सामुद्रधुनी खुली करा नाहीतर नरकात पाठवू, असे म्हणत इराणला शिवीगाळ केली. ट्रम्प यांच्या धमक्यांनंतर इराणनेही आता शस्त्रसंधी होणार नाही, असे म्हटले आहे.

शपथ सोहळ्याला बॉलिवूड, खेळ आणि उद्योगजगतातील बड्या हस्तींना निमंत्रण देण्यात आले आहे. ...