Latest Marathi News

नांदेड : विष्णूपुरी प्रकल्पात अवघा १० दलघमी पाणीसाठा असल्यामुळे व वरील भागातून पाण्याची आवक होत नसल्यामुळे पाणीटंचाईचे गंभीर संकट नांदेडकरांसमोर उभे आहे़ पुढील ४५ दिवस पुरेल एवढाच साठा प्रकल्पात आहे़ त्यामुळे महापालिकेला शहराला आठवड्यातून एकदा पाणीपुरवठा करावा लागणार आहे़ यासंदर्भात पुढील आठवड्यात निर्णय होणार असल्याचे उपायुक्त रत्नाकर वाघमारे यांनी सांगितले़पावसाअभावी मराठवाड्यातील सर्वच प्रमुख धरणांची स्थिती चिंताजनक आहे़ प्रमुख नक्षत्रात पावसाने साथ न दिल्यामुळे दुष्काळाचे सावट निर्माण झाले आहे़ विष्णूपुरी प्रकल्पात सध्या १० दलघमी साठा उपलब्ध असून हे पाणी पुढील ४५ दिवस पुरेल एवढेच आहे़ आता मघा, पूर्वा, उत्तरा व हस्त या नक्षत्रावरच मदार आहे़ या नक्षत्राने निराशा केल्यास पिण्याच्या पाण्याचे गंभीर संकट उभे राहणार आहे़मागील दोन वर्षांपासून विष्णूपुरी प्रकल्पाची टक्केवारी घटली आहे़ मागील वर्षी परतीच्या पावसाने साथ दिल्यामुळे विष्णूपुरी प्रकल्पात ५० दलघमी पाणी उपलब्ध झाले होते़ तर उन्हाळ्यात झालेल्या पावसानेही प्रकल्पात १० दलघमी पाणी उपलब्ध झाले होते़ त्यामुळे उन्हाळ्यात शहराला पाणीटंचाई जाणवली नाही़जुलैअखेर पाऊस होऊन विष्णूपुरी प्रकल्प ५० टक्के भरण्याची प्रतीक्षा सर्वांना होती़ मात्र पावसाने पाठ फिरविल्याने परिस्थिती चिंताजनक बनली आहे़ दररोज आभाळ भरून येत आहे़ मात्र पाऊस पडत नसल्याने सर्वांच्या तोंडचे पाणी पळाले आहे़यासंदर्भात उपायुक्त रत्नाकर वाघमारे यांनी सांगितले, प्रकल्पात पुढील ४५ दिवस पुरेल एवढेच पाणी शिल्लक आहे़ त्यामुळे पुढील आठवड्यात शहराला दर आठ दिवसांनी पाणीपुरवठा करण्याचा निर्णय घेण्यात येईल़ दरम्यान, पावसाची प्रतीक्षा अजूनही असली तरी उपलब्ध पाण्याचे नियोजन करावे लागेल़ येलदरी प्रकल्पातील पाणी नोव्हेंबर, डिसेंबरमध्ये मिळेल़ मात्र तोपर्यंत याच पाण्यावर तहान भागवावी लागणार आहे़ नागरिकांनी पाण्याचा अपव्यय टाळावा़ नळाला तोट्या बसवाव्यात, तसेच नळाच्या पाण्याचा वापर पिण्याशिवाय अंगण धुणे, वाहने धुणे, बांधकामासाठी व इतर अनावश्यक कारणासाठी टाळावे़ बोअरच्या पाण्याचा वापर कमी करून पाणीपातळी कायम ठेवावी़ शहरास जाणवणाऱ्या टंचाईकाळात महापालिकेला सहकार्य करावे, असे आवाहन महापालिकेच्या वतीने करण्यात आले आहे़(प्रतिनिधी)

दिल्ली विधानसभेची निवडणूक जसजशी जवळ येत आहे, तसतसे राजकारण तापत आहे. ...

एल्गार परिषदेतील आरोपींनी आपल्याला क्लोन कॉपी मिळावी, अशी मागणी कोर्टाकडे केली होती. ...

डोंगरी येथील केसरबाई इमारतीलगतची अनधिकृत इमारत मंगळवारी कोसळली. ...

जवळपास अडीच वर्षे आपल्या वाचेविना जगत असलेल्या यवतमाळच्या राहुल पवार या रुग्णाला डॉक्टरांनी आवाज दिला आहे. ...

केडीएमसी हद्दीतील बिल्डरांकडून ओपन लॅण्ड टॅक्स वसूल न करता बांधकाम पूर्णत्वाचा दाखला दिला गेला आहे, ...