Latest Marathi News

Raghav Chadha Post: सध्या सर्वत्र 'धुरंधर २' या सिनेमाची चर्च सुरु आहे. चित्रपटाचं दिग्दर्शन, कलाकारांच्या अभिनयाची देखील सर्वजण प्रशंसा करत आहेत. प्रेक्षकांसह अनेक कलाकार मंडळी देखील या सिनेमाचं भरभरुन कौतुक करत आहेत. अशातच आता अभिनेत्री परिणीती चोप्राचे पती, राजकारणी राघव चढ्ढांनाही या चित्रपटानं भुरळ घातली असल्याचं पाहायला मिळतंय.आदित्य धर लिखित, दिग्दर्शित 'धुरंधर २' हा सिनेमा मार्चला सर्वत्र प्रदर्शित झाला. या चित्रपटाने बॉक्स ऑफिसवर धुमाकूळ घातल्याचं पाहायला मिळतंय.पहिल्या दिवसापासून चित्रपटाला प्रेक्षकांचा भरभरून प्रतिसाद मिळत आहे.रणवीर सिंगपासून अर्जुन रामपालपर्यंत आणि चित्रपटातील इतर अनेक कलाकारांच्या अभिनयाचं प्रेक्षक आणि इतर कलाकार मंडळी कौतुक करताना दिसत आहेत. अशातच आता राघव चढ्ढा यांनी 'धुरंधर 2' चित्रपट पाहिला असून ते संजय दत्तच्या अभिनयावर फिदा झाले आहेत. राघव यांनी नुकतंच त्यांच्या घरी संजय दत्तचं आदरातिथ्य केलं आणि त्यांचे फोटो सोशल मीडियावर शेअर केले आहेत. चित्रपटातील संजय दत्तचा अभिनय पाहून ते त्याचे फॅन झाले आहेत. या पोस्टला खास कॅप्शन देत राघव चड्ढा यांनी लिहिलंय, "काही काळापूर्वी माझ्या घरी संजय दत्तचे आदरातिथ्य करणं आनंदाची गोष्ट होती. ते मला माहीत असलेल्या सर्वात मनमिळाऊ व्यक्तींपैकी एक आहेत.'धुरंधर'साठी तुम्हाला जे प्रेम मिळत आहे, ते पाहून खूप आनंद झाला. तुमचा ऑरा आजही तसेच आहे आणि प्रत्येक काळात लोक तुम्हाला तितकेच पसंत करतात." राघव यांनी पुढे लिहिलंय,"संजय दत्त या यशाचे वाटेकरी आहात."दरम्यान, 'धुरंधर' च्या यशानंतर 'धुरंधर: द रिव्हेंज' देखील बॉक्स ऑफिसवर जबरदस्त कामगिरी करत आहे. या सिनेमात संजय दत्तने एस. पी. चौधरी अस्लमची भूमिका साकारली आहे.

बेवारस बॅगेत होते डेटोनेटर्स अन् जिलेटिनच्या कांड्या ...

- या प्रकरणात मदत करण्याच्या बहाण्याने हवालदार सागर जाधव यांनी पैशांची मागणी केल्याचा आरोप करण्यात आला आहे. ...

Gul Market Kolhapur: कोल्हापूर शेती उत्पन्न बाजार समितीच्या गूळ मार्केटमध्ये सलग दुसऱ्या दिवशी गुळाचे सौदे बंद राहिले. ...

प्रकल्पासाठी ६ हजार कोटींचा निधी देणार ...

खासगी मालमत्ताधारक आणि कंत्राटदाराविरुद्ध गोराई पोलिस ठाण्यात गुन्हा दाखल ...