Latest Marathi News

धाराशिव : जिल्ह्यातील वेगवेगळ्या बँकांमध्ये तब्बल दहा वर्षांपासून काेणीही दावा न केलेले थाेडेथाेडके नव्हे तर तब्बल ३१ काेटी रुपये पडून असल्याची माहिती समाेर आली आहे. हे पैसे संबंधित खातेदार वा वारसांना परत करण्यासाठी अग्रणी बँकेने ठाेस पाऊल उचलले आहे.जिल्ह्यातील विविध बँकांमधील वैयक्तिक, संस्थात्मक आणि सरकारी योजनांच्या खात्यांमध्ये सुमारे ३१ कोटी रुपयांच्या दावा न केलेल्या ठेवी पडून आहेत. रिझर्व्ह बँक ऑफ इंडियाच्या नियमानुसार, सलग १० वर्षांपासून निष्क्रिय असलेल्या खात्यांतील ठेवी ठेवीदार शिक्षण आणि जागरूकता निधीमध्ये हस्तांतरित केल्या जातात. या पार्श्वभूमीवर संबंधित रक्कम खातेदार वा त्यांच्या वारसांना परत करण्यासाठी जिल्हा अग्रणी बँकेच्या नेतृत्वात माेहीम हाती घेण्यात आली आहे. यासाठी ३१ डिसेंबरपर्यंत मुदत देण्यात आली आहे.दरम्यान, या विशेष मोहिमेद्वारे सर्व बँकांकडून जनजागृती शिबिरे, ग्राहक भेटी आणि माहितीपर कार्यक्रम आयोजित केले जाणार असून, १ लाख ४३ हजार ९६९ खातेदारांनी या संधीचा लाभ घ्यावा, असे आवाहन जिल्हा अग्रणी व्यवस्थापक चिन्मय दास यांनी केले आहे.

सध्याच्या जमान्यात प्रत्येक मुलीला स्लिमट्रिम राहायचं असतं त्यासाठी मुली वेगवेगळे प्रयोग करत असतात. ...

भारत विरुद्ध ऑस्ट्रेलिया यांच्यातला दुसरा वन डे सामना राजकोटवर खेळवण्यात येणार आहे. ...

निर्भया बलात्कार प्रकरणातील सर्व दोषींना सुप्रीम कोर्टाने फाशीची शिक्षा सुनावली होती. ...

‘शब्दांचे जादूगार’ जावेद अख्तर यांचा आज वाढदिवस. ...

Varun Dhawan and Natasha Dalal's Wedding : हे एक ग्रँड लग्न असणार आहे,जे आठवडाभर चालणार आहे. ...