Latest Marathi News

Health Tips : झोप एकंदर आरोग्य चांगलं ठेवण्यासाठी खूप महत्वाची ठरते. कारण जेव्हा आपण झोपत असतो तेव्हा शरीर स्वत:ला रिपेअर करण्यात आणि एनर्जी स्टोर करण्यास बिझी असतं. पण जर यादरम्यान काही वेगळी लक्षणं दिसत असतील तर ही केवळ झोपेत अडथळा नाही तर आरोग्यासंबंधी काही समस्या असू शकतात. हृदय, किडनी आणि लिव्हर जर योग्यपणे काम करत नसेल तर रात्री शरीरात काही लक्षणं दिसतात. याबाबत डॉ. श्रेय श्रीवास्तव यांनी जागरण डॉट कॉमला माहिती दिली आहे.पुन्हा पुन्हा लघवी लागणेजर तुम्ही रात्री एकापेक्षा जास्त वेळ लघवीसाठी जात असाल आणि जास्त पाणी प्यायल्यानं असं होत असल्याचा विचार करत असाल तर तुम्ही चुकताय. हा किडनीची कार्यक्षमता कमी झाल्याचा किंवा डायबिटीसच्या सुरूवातीचा संकेत असू शकतो. हेल्दी किडनी रात्री यूरिन प्रोडक्शनला कंट्रोल करते, पण जर किडनीच्या फिल्टर प्रक्रियेत काही गडबड झाली तर पुन्हा पुन्हा लघवीला जावं लागू शकतं.झोपताच श्वास भरून येणेजर रात्री झोपताच श्वास भरून येत असेल किंवा श्वास घेण्यास त्रास होत असेल तर हा हृदय कमजोर झाल्याचा संकेत असू शकतो. जेव्हा हृदय शरीरात पुरेसं रक्त पंप करू शकत नाही तेव्हा असं होतं. ज्यामुळे फुप्फुसांमध्ये तरल पदार्थ जमा होतात आणि श्वास घेण्यास समस्या होते. पायांवर सूज किंवा जडपणाजर तुम्ही दिवसभर सामान्य राहत असाल आणि रात्री पायांवर सूज येत असेल किंवा जडपणा वाटत असेल, हलक्या वेदना होत असेल तर हा शरीरात फ्यूइड जमा झाल्याचा संकेत असू शकतो. ही गडबड अनेकदा लिव्हरचं काम बिघडल्यानं किंवा किडनीद्वारे सोडिअम व पाणी योग्यपणे फिल्टर होत नसल्यानं होते.थकवा आणि झोपमोडकोणतंही मेहनतीचं काम न करताही तुम्हाला थकवा जाणवत असेल आणि पुन्हा पुन्हा झोपमोड होत असेल तर याचा संबंध लिव्हरची कार्यक्षमता आणि हार्मोन्सचं स्तर याच्याशी असू शकतो. लिव्हर शरीरातून विषारी तत्व बाहेर काढतं आणि जेव्हा हे योग्यपणे काम करत नाही तेव्हा झोप प्रभावित होते. ही काही लक्षणं रात्री झोपेदरम्यान दिसत असतील तर याकडे अजिबात दुर्लक्ष करू नये. कारण ही लक्षणं वरील गंभीर समस्यांची असू शकतात. अशात वेळीच डॉक्टरांचा सल्ला घेऊन योग्य ते उपचार करावे.अशी लक्षणं दिसल्यावर काय कराल?रात्री पाणी कमी प्रमाणात प्या, पण शरीर डिहायड्रेट होऊ देऊ नका.झोपण्याआधी जास्त मीठ आणि जड खाण्यापासून वाचा.रोज ३० मिनिटं हलका व्यायाम करा.ब्लड प्रेशर, ब्लड शुगर आणि लिव्हर-किडनीच्या टेस्ट करा.

बालरोग तज्ज्ञ डॉ. मंगेश पाटे यांचे शिक्षण मंत्र्यांना ट्विट, गोंधळाचा त्रास विद्यार्थ्यांना का? ...

नागपूर आता गुन्हेगारींची राजधानी बनली आहे. ...

दर आठ तासांत एक शेतकरी कवटाळतो मृत्यूला ...

स्कूल बस तर तुम्ही पाहिली असेलच. तेव्हा तुमच्या असेही लक्षात आले असेल की, स्कूल बसेस या पिवळ्या रंगाच्या असतात. ...

चाकण येथील नामांकित कंपनीमध्ये इंटर्नशिपसाठी प्रवेश मिळवून देण्याचे आमिष दाखवले. ...