Latest Marathi News

चंद्रपूर : जिल्ह्यातील नगरपरिषद निवडणुकांचे निकाल हे केवळ स्थानिक स्वराज्य संस्थांचे निकाल न राहता, भाजपसाठी गंभीर राजकीय इशारा ठरले आहेत. सलग काही निवडणुकांमध्ये सत्ताधारी पक्ष म्हणून भाजपला मिळणारा जनाधार या निकालांमधून कमकुवत होत असल्याचे स्पष्ट संकेत मिळतात. विशेष म्हणजे, पराभवामागे विरोधकांपेक्षा पक्षातील अंतर्गत कारणे अधिक जबाबदार असल्याचे भाजपचेच ज्येष्ठ नेते सुधीर मुनगंटीवार यांनी उघडपणे मान्य केल्याने या निकालांचे राजकीय महत्त्व अधिक वाढले आहे.मुनगंटीवारांच्या वक्तव्यातून भाजपमधील अंतर्गत गटबाजी, नेतृत्वाचा अभाव आणि संघटनात्मक विस्कळीतपणा समोर येतो. विदर्भात काही नेत्यांची ताकद जाणीवपूर्वक कमी केल्याचा आरोप म्हणजे थेट नेतृत्वाच्या निर्णयप्रक्रियेवर प्रश्नचिन्ह आहे. मजबूत स्थानिक नेतृत्वाला डावलून ‘इनकमिंग’ नेत्यांना पुढे केल्यामुळे जुने कार्यकर्ते नाराज झाले, याचा फटका मतदानाच्या दिवशी दिसून आला.दुसरीकडे काँग्रेसने विदर्भात स्थानिक नेतृत्वाला स्वातंत्र्य व ताकद दिल्याचा उल्लेख करून मुनगंटीवारांनी अप्रत्यक्षपणे भाजपच्या रणनीतीतील त्रुटी अधोरेखित केल्या आहेत. निवडणुका केवळ मोदी फॅक्टर किंवा केंद्रातील सत्तेच्या जोरावर जिंकता येत नाहीत; स्थानिक पातळीवरील संघटनात्मक बांधणी, कार्यकर्त्यांचा आत्मविश्वास आणि नेतृत्वावरचा विश्वास निर्णायक ठरतो. यावरून स्पष्ट होते.चंद्रपूरमधील हा निकाल भाजपसाठी ‘वेळेत सावध व्हा’ असा इशारा आहे. आगामी विधानसभा आणि लोकसभा निवडणुकांच्या पार्श्वभूमीवर पक्षाने जर अंतर्गत मतभेद, गटबाजी आणि नेतृत्वावरील असमाधान दूर केले नाही, तर हा फटका केवळ नगरपरिषदांपुरता मर्यादित न राहता व्यापक राजकीय परिणाम घडवू शकतो.

Gold Loan : गोल्ड लोन घेण्याचा विचार करताय? मग तुमच्यासाठी एक आनंदाची बातमी आहे. ...

Wardha : बनावट पदव्या आणि डिप्लोमांचा आधार घेत आष्टी तालुक्यात बोगस डॉक्टर करतात 'प्रॅक्टिस' ...

नवी भूमिका नवे चॅलेंज, शुबमन गिल नवा इतिहास रचणार का? ...

नाराजीबाबत पक्षांतर्गत विषय आहे. त्याबाबत मी पक्षाची चौकट मोडून बोलणार नाही असं खेडेकरांनी म्हटलं. ...

जिल्हा प्रशासनाच्या सावधानता अन् सुरक्षिततेच्या आवाहनाकडे हुल्लडबाजांचे साफ दुर्लक्ष ...

६३६ प्रशिक्षित कर्मचाऱ्यांची अहोरात्र गस्त ...

‘चिंता मिटली, नवरी सजली!’; नायगावात आमदार राजेश पवारांचा अनोखा उपक्रम चर्चेत ...