Latest Marathi News

दिलीप मोहितेविटा : शोभेच्या दारू निर्मिती करणाऱ्या कारखान्यात झालेल्या भीषण स्फोटात दोघेजण गंभीर जखमी झाले. या स्फोटाने चार ते पाच कि.मी.चा परिसर हादरला असून कारखान्याचे शेड सुमारे चारशे फूट दूर फेकले गेले आहे. आफताब मन्सुर मुल्ला (वय ३०, रा. भाळवणी) व अमीर उमर मुलाणी (वय ४०, रा. चिंचणी-अं., ता. कडेगाव) असे या स्फोटात गंभीर जखमी झालेल्या दोघांची नावे आहेत. ही घटना भाळवणी (ता. खानापूर, जि. सांगली ) येथे सोमवारी सकाळी पावणे दहा वाजण्याच्या सुमारास घडली.भाळवणी येथील मन्सूर मुल्ला यांचा बसस्थानकाच्याजवळ शोभेची दारू फटाका निर्मिती करण्याचा कारखाना आहे. येथील पत्र्याच्या एका शेडमध्ये शोभेचे फटाके तयार केले जातात. सोमवारी सकाळी या कारखान्यात त्यांचा मुलगा अफताब मुल्ला व नातेवाईक अमीर मुलाणी हे दोघेजण स्फोटकाची दारू कुटण्याचे काम करीत होते.त्यावेळी दारूने अचानक पेट घेतला. त्यामुळे तेथे असलेल्या दारू साठ्याचा मोठा स्फोट झाला. हा स्फोट इतका भीषण होता की, पत्र्याचे शेड तीनशे ते चारशे फूट उडून बाजूला फेकले गेले. तर या स्फोटाचा आवाज चार ते पाच कि. मी. पर्यंत पोहचला. तसेच भाळवणी गावातील कारखान्याच्या शेजारी असलेल्या घरांच्या तसेच काही मोटारींच्या काचांनाही तडे गेले आहेत.या स्फोटात अफताब मुल्ला व अमीर मुलाणी हे दोघेजण गंभीर जखमी झाले. या घटनेची माहिती मिळताच विटा अग्निशमन तसेच पोलीसांनी घटनास्थळी धाव घेतली. यावेळी जखमी दोघांना तातडीने उपचारासाठी सांगलीच्या शासकीय रुग्णालयात दाखल करण्यात आले. या दोघांचीही प्रकृत्ती चिंताजनक असल्याचे सांगण्यात येते. या घटनेने खानापूर तालुका हादरून गेला आहे.

सोशल मीडियावर व्हायरल होत असलेल्या व्हिडीओतून आपल्या देशाची महानता कळते. ...

लॉकडाऊनदरम्यान भारतातील सुमारे दोन दशलक्ष मुलींना त्यांची पहिली मासिक पाळी येण्याची शक्यता आहे. ...

''तू मुमताज है मेरे ख्वाबों की'' या गाण्यावर या जोडप्याने भन्नाट डान्स केला आहे. ...

या अभ्यासातून कोरोना विषाणू मृतांच्या शरीरात कितीवेळपर्यंत जीवंत राहू शकतो हे समजण्यास मदत होईल. ...

हा अभिनेता अनेक गरजूंना दैनंदिन जीवनातील आवश्यक असणाऱ्या वस्तूंचे वाटप करत आहे. ...