Latest Marathi News

वणी : येथील नगरपरिषदेची शुक्रवारी झालेली सर्वसाधारण सभा चांगलीच वादळी ठरली. या सभेचा अक्षरश: आखाडा होऊन शेवटी प्रकरण पोलिसांत गेले. पोलिसांत या प्रकरणी परस्परांविरूद्ध तक्रारी दाखल करण्यात आल्या. त्यावरून गुन्हेही दाखल करण्यात आले आहे.शुक्रवारी विविध विषयांवर चर्चेसाठी सर्वसाधारण सभा बोलविण्यात आली होती. सभा सुरू झाल्यानंतर काही विषय आटोपले. नंतर तलाव पाळीवरील नाल्याचा विषय चर्चेला आला. त्यावरून पुढील सर्व प्रसंग घडून आला. सदर नाला दुसरीकडून वळवून नेण्यावरून वादाची ठिणगी पडली. या विषयावरून काही नगरसेवक एकमेकांविरूद्ध उभ े ठाकले. मागील सभेत याच विषयावर चौकशी समिती नेमून त्याचा अहवाल आल्यानंतर कारवाई करण्याचे ठरले होते. त्यानुसार चौकशी समितीने चौकशी केली असून अहवाल प्राप्त होताच त्यावर कारवाई केली जाईल, अशी ग्वाही आरोग्य सभापती धनंजय त्रिंबके यांनी दिली. मात्र त्यावर समाधान न झाल्याने सभेत गोंधळाला सुरूवात झाली.या गोंधळताच सभाध्यक्ष असलेल्या नगराध्यक्ष प्रिया लभाने यांनी सभा तहकूब केली. सभागृहात गोंधळ होताच महिला नगरसेविका दुसऱ्या दालनात बसून होत्या. तेवढ्यात २० ते २५ महिला आपल्या परिसरातील समस्या घेऊन तेथे पोहोचल्या. त्यानंतर गोंधळ आणखीच वाढत गेला. तेथे नेमके काय सुरू आहे, कुणालाच कळेनासे झाले होते.या सर्व घडामोडीनंतर हा सारा प्रकार अखेर पोलीस ठाण्यात पोहोचला. नगरपरिषदेचा वाद पोलीस ठाण्यात पोहोचल्याने शहरवासीयांनाही नेमके काय झाले, ते कळत नव्हते. यावेळी पोलीस ठाणे परिसरात चांगलीच गर्दी वाढली होती. शेवटी याप्रकरणी एकूण तीन तक्रारी दाखल झाल्या. त्यात हजन परवीन बानो यांनी दिलेल्या तक्रारीत, आपण परिसरातील विविध समस्या सांगण्यासाठी नगरपरिषद सभेत गेलो असता नगराध्यक्ष प्रिया लभाने, आरोग्य सभापती धनंजय त्रिंबके आणि माजी नगराध्यक्ष अर्चना थेरे यांनी आपल्याला ढकलून दिल्याचा आरोप केला. तसेच आपल्या उजव्या पायाला मारहाण करून शिवीगाळ केल्याची तक्रार केली. त्यांच्या तक्रारीवरून लभाने, त्रिंबके आणि थेरे यांच्याविरूद्ध भादंवि ३२३, ५0४ कलमानुसार गुन्हा दाखल करण्यात आला.नगराध्यक्ष प्रिया लभाने यांनी नगरसेवक सिद्दीक रंगरेज व अभिजित सातोकर आणि हजन परवीन बानो यांच्याविरूद्ध तक्रार केली. लभाने यांनी सभेत जनतेच्या समस्यांवर चर्चा सुरू असताना सिद्दीक रंगरेज व सातोकर यांनी नालीच्या ठरावाबाबत चौकशी समिती कशी नेमली, या कारणावरून आरोग्य सभापती धनंजय त्रिंबके यांना मारहाण केली. तसेच हजन बानो यांनी एका नगरसेविकेच्या गालावर चापट मारली. सोबतच रंगरेज व सातोकर यांनी अश्लील शिवीगाळ करून जिवे मारण्याची धमकी दिल्याची तक्रार केली. त्यांच्या तक्रारीवरून तिघांविरूद्ध भादंवि २९४, ३२३, ५0६, तसेच सार्वजनिक मालमत्ता नुकसान कायद्याच्या कलम ३ नुसार गुन्हा दाखल करण्यात आला.तिसरी तक्रार नगरसेवक अभिजित सातोकर यांनी आरोग्य सभापती धनंजय त्रिंबके, नगराध्यक्ष प्रिया लभाने यांच्याविरूद्ध केली. त्यांनी आपल्या तक्रारीत सभा सुरू असताना त्रिंबके यांनी उभे राहून आपल्याला अश्लील शब्दात शिवीगाळ केली. तसेच मारून टाकतो, अशी धमकी दिलयाचे म्हटले आहे.सोबतच नगराध्यक्ष लभाने यांनी आपणाला तुम्ही सभागृहातून बाहेर निघा, अन्यथा धक्के मारून बाहेर काढू, अशी धमकी दिल्याची तक्रार केली. सातोकर यांच्या तक्रारीवरून त्रिंबके आणि लभाने यांच्याविरूद्ध भादंवि २९४, ५0६, ३४ नुसार गुन्हा दाखल करण्यात आला आहे. (कार्यालय प्रतिनिधी)

मुंबई ३५.७, जळगाव ४२.६, परभणी ४१, सोलापूर ४०.८ ...

१५ रुग्ण सापडले : नवी मुंबईत एकाचा मृत्यू ...

एकूण ५५: ठाणे जिल्ह्यातील अन्य महापालिका व पालिका रुग्णांच्या तुलनेत संख्या सर्वाधिक ...

शासनाच्या अनास्थेपायी पिता-पुत्राची ताटातूट; अन्य खलाशी व कुटुंबीय हलाखीत ...

९३ कामगारांना डहाणूत उतरवले : तपासणीसाठी घेतले ताब्यात ...

भिवंडीतून मजुरांची वाहतूक; ४५ जणांना घेतले ताब्यात ...

नितीन राऊत : औद्योगिक व वाणिज्य वापराबाबत निर्णय ...

रविवारी सकाळी आठ वाजता सहायक पोलीस निरीक्षक इंद्रजित वर्धन हे संचारबंदीची माहिती देत ...