Latest Marathi News

पुणे : शाळा-महाविद्यालयांच्या दोनशे मीटर परिसरात पान, तंबाखू विकणाऱ्या टपऱ्या, जुगार अड्डे, दारूची दुकाने किंवा बार असून नये, असा नियम असताना शहरातील अनेक शाळा-महाविद्यालयांच्या गेटला लागूनच पान, तंबाखू विकणाऱ्या टपऱ्या आहेत. या टपऱ्यांमध्ये छुप्या पद्धतीने बंदी असलेला गुटखा व मावा विकला जातो. असे असताना प्रशासन मात्र सोयिस्करपणे याकडे दुर्लक्ष करत असल्याचे ‘लोकमत’च्या पाहणीत समोर आले आहे. पोलिस प्रशासन, अन्न व औषध प्रशासन आणि महापालिकेच्या दुर्लक्षामुळे विद्यार्थी मात्र कमी वयातच व्यसनाधीन होत असल्याचे पाहायला मिळते.राज्य सरकारने राज्यामध्ये गुटखा विक्रीस व बाळगण्यास बंदी घातली आहे. असे असताना जवळपास सर्वच पान, तंबाखू विकणाऱ्या टपऱ्यांमध्ये सर्व कंपन्यांचा गुटखा व मावा छुप्या पद्धतीने विकला जातो. काही ठिकाणी याला कोडवर्ड ठेवण्यात आलेला आहे. सुगंधी तंबाखूच्या नावावर दोन पुड्या एकत्र करून गुटखा तयार केला जातो. गुटखा, मावा व सिगारेट असे धूम्रपानाचे पदार्थ १८ वर्षांच्या खालील मुलांना विक्री करणे कायद्याने गुन्हा असताना पान, तंबाखू टपरीमध्ये हे पदार्थ मुलाचे वय न पाहता खुलेआम विकले जातात. शिवाय शहरातील शाळा व महाविद्यालयांच्या दोनशे मीटर परिसरात पान, तंबाखू विकणाऱ्या टपऱ्या असू नये, असा नियम असताना अनेक शाळा-महाविद्यालयांच्या गेटला लागूनच पान, तंबाखू विकणाऱ्या टपऱ्या आहेत. या टपऱ्यांमध्ये छुप्या पद्धतीने बंदी असलेला गुटखा व मावा विकला जातो. याकडे प्रशासन मात्र सोयिस्करपणे याकडे दुर्लक्ष करत असल्याचे कमी वयात मुले व्यसनाधीन होत आहेत.पोलिसांकडून शहरात कायमच बेकायदा गुटखा विक्री करणाऱ्यांवर व तो बाळगणाऱ्यांवर कारवाई केली जाते. यापूर्वी कारवाई करून मोठ्या प्रमाणात गुटखा व नशेचे पदार्थ जप्त केले आहेत. यापुढेही ही कारवाई अन्न व औषध प्रशासनाच्या मदतीने आणखी तीव्र केली जाईल.- पंकज देशमुख, अपर पोलिस आयुक्त, गुन्हे.

दिवसभरात 639 रुग्णांना सोडण्यात आले घरी ...