Latest Marathi News

पुणे - काही आगारप्रमुखांकडून आरामदायी ड्युटीसाठी कर्मचाऱ्यांकडून पैसे घेतले जात असल्याचा प्रकार ‘लोकमत’ने उघडकीस आणल्यानंतर पुणे महानगर परिवहन महामंडळाने (पीएमपी) या प्रकाराची चौकशी सुरू केली आहे. त्यासाठी तीन सदस्यीय समितीची नेमणूककरण्यात आली असून संबंधित कर्मचा-यांच्या तक्रारी जाणून घेतल्या जात आहेत.पीएमपीमध्ये काही आगारप्रमुखांकडून लाईट ड्युटी, फिक्स ड्युटी, रजा मंजुरी, वॉशिंग सेंटरवर काम, स्टार्टर ड्युटी यासाठी कर्मचा-यांकडून पैसे घेतले जातात. याबाबत ‘रेट’ निश्चित करण्यात आले आहेत. एका आगार प्रमुखाविरोधात सुमारे ७० हून अधिक कर्मचा-यांनी लेखी तक्रार केली आहे. याबाबतचे ‘आरामदायी ड्युटीसाठी पीएमपीमध्ये रेटकार्ड’ हे वृत्त ‘लोकमत’मध्ये बुधवारी (दि. ३१) प्रसिद्ध झाले. या वृत्ताने पीएमपी वर्तुळात खळबळ उडाली. प्रशासनाने या वृत्ताची दखल घेत कर्मचाºयांनी केलेल्या तक्रारींच्या अनुषंगाने चौकशी सुरू केली आहे.‘पीएमपी’तील सूत्रांनी दिलेल्या माहितीनुसार, तीन सदस्यांच्या समितीमध्ये हडपसर आगारामध्ये जाऊन चौकशी सुरू केली आहे. यावेळी काही कर्मचाºयांचा जबाबही घेण्यात आला आहे. त्यातील काही कर्मचाºयांनी तक्रारींवर ठाम राहत आगारप्रमुखांच्या कामावर आक्षेप नोंदविले आहेत. तर काही कर्मचा-यांनी मात्र तक्रार अर्जावर नजरचुकीने सह्या केल्याचे चौकशीदरम्यान म्हटले आहे. तक्रार अर्जावर ७० हून अधिक कर्मचाºयांच्या सह्या आहेत.या सर्व कर्मचा-यांचा याबाबत जबाब घेतला जाईल. त्यानंतर पुढील कारवाई केली जाणार आहे. अद्याप तक्रारींबाबत एकही पुरावा समोर आलेला नाही. आगारप्रमुखांकडून पैसे घेतले जात असले तरी त्याबाबतचे पुरावेही मिळणे आवश्यक आहे.आगारप्रमुखांकडून पैसे घेतले जात असल्याबाबत कर्मचाºयांच्या तक्रारीबाबत चौकशी सुरू करण्यातआली आहे. त्यासाठी तीन सदस्यीय समितीची नेमणूक करण्यात आली आहे.- नयना गुंडे, अध्यक्ष व व्यवस्थापकीय संचालक,पुणे महानगर परिवहन महामंडळ

गृह विभागाने घेतलेल्या या निर्णयावर एकनाथ शिंदेंच्या शिवसेनेचे काही आमदार नाराज आहेत. ...

'जोधा अकबर' फेम अभिनेत्याच्या कारचा भयानक अपघात, गाडीचा झाला चक्काचूर, थोडक्यात बचावले प्राण ...

चितेगावच्या तरुणाने कर्ज काढून उभारला होता व्यवसाय, ३५ लाखांचे नुकसान झाल्याचा मालकाचा दावा ...

'झी मराठी वाहिनी' नव्या वर्षात काही नव्या मालिकांचा खजिना घेऊन आली आहे. ...