Latest Marathi News

सांगली : जिल्हा पोलीस दलातील पोलीस शिपाई समाधान भगवान मांटे (वय २९) यांची धारदार शस्त्राने १८ वार करुन ह्त्या करण्यात आली होती. या हत्येतील मुख्य संशयित झाकीर झुल्फीकार जमादार (वय २८, रा. हडको कॉलनी, लक्ष्मीनगर, कुपवाड रस्ता, सांगली) याला कोल्हापूर येथे गुरुवारी अटक करण्यात आली आहे. दारुचे बिल देण्यावरुन झालेल्या वादातून मांटे यांनी जमादारच्या कानाखाली मारली. त्यामुळेच रागाच्या भरात हत्या केल्याची कबूली जमादार याने पोलिसांना दिली आहे.सांगलीत विश्रामबाग येथे कुपवाड रस्त्यावर हॉटेल रत्ना डिलक्समध्ये मंगळवारी रात्री पावणेबारा वाजता मांटे यांची हत्या करण्यात आली. हत्येचा थरार हा हॉटेलमधील ‘सीसीटीव्ही’ कॅमेरात कैद झाला होता. कॅमेऱ्यातील फुटेजवरुन संशयितांचा शोध घेण्यात आला. त्यावेळी झाकीर जमादार व त्याच्या दोन साथीदारांची नावं समोर आली होती. अन्सार पठाण (३०) व राजू नदाफ (२९) या साथीदारांना बुधवारी पकडण्यात यश आले होते. मात्र जमादार फरारी होता. तो कोल्हापूरात नातेवाईकांकडे आश्रयाला गेल्याची माहिती मिळाली. त्यानूसार स्थानिक गुन्हे अन्वेषण विभाग व गुंडाविरोधीचे पथक बुधवारी रात्री कोल्हापूरला रवाना झाले होते. तेथील राजवाडा पोलिसांच्या मदतीने गुरुवारी सकाळी जमादारला जेरबंद केले. त्याला घेऊन दुपारी पथक सांगलीत दाखल झाले. मांटे यांची हत्या करण्यासाठी वापरलेल्या हत्याराबाबत त्याच्याकडे चौकशी केली जात आहे. मांटे यांच्यावर शासकीय इतमात अंत्यसंस्कारमांटे यांचे मूळगाव बुलडाणा आहे. २०१३ मध्ये ते सांगली पोलीस दलात भरती झाले होते. केवळ पाच वर्षेच त्यांची सेवा झाली. सांगलीच्या शासकीय रुग्णालयात शवविच्छेदन करुन त्यांचे पार्थिव बुधवारी सायंकाळी नातेवाईकांना देण्यात आले होते. त्यानंतर त्यांचे पार्थिव मूळगावी बुलडाणा येथे नेले. गुरुवारी सकाळी त्यांच्या पार्थिवावर शासकीय इतमात अंत्यसंस्कार करण्यात आले.मृतदेह बाहेर फेकलाहॉटेल रत्ना डिलक्सच्या आवारात मांटे यांची हत्या झाली. सीसीटीव्ही फुटेजमधूनही ही बाब स्पष्टपणे दिसून येते. मात्र प्रकरण अंगलट येऊ नये, यासाठी हॉटेलमधील कर्मचाऱ्यांनी मांटे यांचा मृतदेह गेटबाहेर नेऊन ठेवला. तसेच पाणी मारुन रक्त पुसून टाकण्याचा प्रयत्न केला. घटनेची माहिती मिळताच पोलीस घटनास्थळी दाखल झाले. मात्र त्यावेळी मृतदेह हॉटेल बाहेर होता. त्यामुळे पोलिसांनी हॉटेलबाहेर घटना घडल्याचा पंचनामा केला आहे.

Dhan Kharedi : शासनाने जिल्हा मार्केटिंग फेडरेशनला रब्बी हंगामातील धान खरेदीसाठी २० जुलैपर्यंत मुदत दिली होती. ...

बदल्यांच्या खेळात पुणे आणि पिंपरी-चिंचवडमधील गरीब प्रवाशांना विनाकारण त्रास सहन करावा लागतोय ...

अडीच लाखांचा मुद्देमाल जप्त : रेल्वेच्या गुन्हे शाखा पोलिसांचे यश ...

३५ मीटर रुंद रस्त्यासाठी मार्किंगमध्ये विविध ९१ मालमत्ता बाधित होत आहेत. ...

kinetic green retro style electric scooter: कायनेटिक ग्रीन त्यांची नवी इलेक्ट्रिक स्कूटर येत्या १८ जुलैला भारतीय बाजारात लॉन्च करणार आहे. ...

रोवणीच्या हंगामात आर्थिक कोंडी : ७ हजार ९२० धान उत्पादक शेतकरी बोनसपासून वंचित ...

छावणीच्या विद्यादीप बालगृहातून नऊ मुलींनी ३० जून रोजी पलायन केल्याचे प्रकरण राज्यभरात चर्चेत आले. ...

Sara Tendulkar Sylish Look Photos: साराच्या स्टायलिश लूकने वेधून घेतलं चाहत्यांचे लक्ष ...