Latest Marathi News

ऑनलाइन टीमअहमदाबाद, दि. २२ - नरेंद्र मोदींना त्यांच्या आईनं शुभशकुनाचे १०१ रुपये दिले आणि मोदी गुजरातमधून दिल्लीकडे रवाना होत असताना यशस्वी होण्यासाठी आशीर्वाद दिला. काल बुधवारी गुजरातच्या मुख्यमंत्रीपदाचा मोदींनी राजीनामा दिला. आज ते नवीन भूमिका स्वीकारण्यासाठी दिल्लीला रवाना झाले. यावेळी त्यांना गुजरातमधल्या त्यांच्या आप्तेष्टांनी निरोप दिला. दिल्लीला प्रस्थान करण्यापूर्वी मोदी आईला भेटले. यावेळी त्यांच्या आईने त्यांच्या हातावर १०१ रुपये ठेवले आणि दिल्लीमध्ये यशस्वी हो असा आशीर्वाद दिला.आईचा निरोप घेतल्यानंतर बाहेर त्यांची वाट पाहत असलेल्या अनेक चाहत्यांनी व आप्तेष्टांनीही पुष्पगुच्छ देऊन मोदींना निरोप दिला. आज एक सर्वसाधारण नागरिक या नात्याने गुजरातमध्ये असलेले मोदी परत येतील त्यावेळी भारताचे पंतप्रधान असतील. त्यामुळे आजच्या त्यांच्या भेटीला विशेष महत्त्व प्राप्त झाले होते. एरवी सार्वजनिक ठिकाणी लोकांशी संपर्क टाळणा-या मोदींनी आज मात्र शुभेच्उकांकडून पुष्पगुच्छांचा स्वीकार केला आणि दुपारच्या सुमारास दिल्लीला प्रयाण केले.दरम्यान, मोदींनी आपल्या सुरक्षारक्षकांचे व वैयक्तिक कर्मचा-यांचे आभार मानले. माझ्या गाडीच्या आत देऊळ बांधून सुरक्षारक्षक प्रार्थना करीत व मोदींसाठी प्रार्थना करत असे त्यांनी ट्विट केले आहे. गेली १२ वर्षे हा उपक्रम सुरू असल्याचे त्यांनी म्हटले असून ड्रायवर व सुरक्षारक्षकांचे मोदींनी आभार मानले आहेत. ही माहिती आपल्याला अत्यंत जवळ असलेल्या कर्मचा-यांकडून समजल्याचेही म्हटले आहे.

कंगना राणौतने नाव न घेता नुकत्याच रिलीज झालेल्या एका बॉलिवूड सिनेमावर नाराजी प्रकट केली आहे (kangana ranaut, mrs movie) ...

महाकुंभमेळ्याचा महाशिवरात्रीदिवशी समारोप होणार आहे. ...

फॉरेन्सिक तपासणी टीम कडून घटनास्थळी भेट ...

मुंबईतील उच्चभ्रू ठिकाणी तिने ही जागा भाड्यावर घेतली आहे. ...

आरोपीची आई शमा यांची प्रकृती चिंताजनक असल्याने त्यांना नजीकच्या रूग्णालयात उपचारासाठी नेले. ...