Latest Marathi News

लोकमत न्यूज नेटवर्क, पणजी : सरकारी नोकरी घोटाळ्यातील मुख्य संशयित पूजा नाईक हिची कोठडीतून झालेली सुटका सध्या मोठ्या वादाच्या भोवऱ्यात सापडली आहे. या प्रकरणात कारागृह प्रशासनाचा निष्काळजीपणा गंभीर पान समोर आला आहे. जामीन मिळाल्यानंतर तिला कायदेशीर सोपस्कार पूर्ण न करताच सोडण्यात आल्याचे उघडकीस आले.सरकारी नोकऱ्या घोटाळ्यातील पूजा नाईकला २१ नोव्हेंबर २०२४ रोजी विविध गुन्ह्यांमध्ये जामीन मिळाला होता. मात्र, त्यानंतरच्या कायदेशीर प्रक्रियेत ती पुन्हा कोठडीत होती. अलीकडेच मार्च २०२६ च्या अखेरीस तिला एका विशिष्ट प्रकरणात पुन्हा जामीन मंजूर झाला होता. या जामिनाचा आधार घेऊन कारागृह प्रशासनाने तिच्यावरील इतर प्रलंबित गुन्ह्यांची कोणतीही खातरजमा न करता तिला कोठडीतून मुक्त केले.महानिरीक्षकांनी स्वतः केली पडताळणीसंशयित पूजाला एका प्रकरणात जामीन मिळाला असला तरी इतर गुन्ह्यांमधील स्थिती न तपासता तिला सोडणे हा कारागृह नियमावलीचा भंग मानला जात आहे. या प्रकरणाची गंभीर दखल घेत कारागृह महानिरीक्षक के. आर. चौरसिया यांनी चौकशीचे आदेश दिले. स्वतः सीसीटीव्ही फुटेज आणि कागदपत्रांची पडताळणी केली. प्राथमिक तपासात संबंधित अधिकाऱ्यांनी या सुटकेची माहिती वरिष्ठांना दिली नसल्याचे आणि नियमांचे उल्लंघन केल्याचे निष्पन्न झाले. संबंधितांची चौकशी करून यामागे कोणाचा हात आहे का याचाही शोध आता घेतला जात आहे.समिती नियुक्तया प्रकरणाच्या सखोल चौकशीसाठी समिती नेमण्यात आली असून दोषी कर्मचाऱ्यांवर कठोर कारवाई केली जाणार आहे. सरकारी नोकरी घोटाळ्यासारख्या महत्त्वाच्या प्रकरणातील संशयिताची अशी विनापडताळणी सुटका झाल्याने पोलिस आणि कारागृह प्रशासनाच्या कार्यक्षमतेवर प्रश्नचिन्ह निर्माण झाले आहे. सध्या या संपूर्ण प्रकरणाचा सविस्तर अहवाल तयार केला जात असून यातून मोठे खुलासे होण्याची शक्यता आहे. या घटनेने कारागृहातील सुटकेच्या प्रक्रियेत आता अधिक पारदर्शकता आणि कडक नियम लागू केले जाणार आहेत. सुटकेवेळी झालेल्या तांत्रिक चुकीमुळे तपासावर काय परिणाम होतो याकडे सर्वांचे लक्ष आहे.

Rashi Bhavishya: जाणून घ्या, कसा असेल तुमचा आजचा दिवस..., काय सांगते तुमची राशी... ...

८ तासांत पायापासून उचलल्या अडीच फूट उंच भिंती ...

अखेर ५५ दिवसांनी छडा; सहा आरोपींना अटक ...

कमल खेम साऊद (८, रा. १६ नंबर बसस्टॉप, थेरगाव) असे आत्महत्या केलेल्या मुलाचे नाव आहे. ...

बुधवारी नाशिक सोडताना त्यांनी नाशिककरांना किष्किंधाला दर्शनासाठी येण्याचे निमंत्रण दिले. ...

केके यांचे निधन हृदयविकाराच्या झटक्यानेच झाल्याचा निष्कर्ष शवचिकित्सा अहवालात काढण्यात आला आहे. ...

बारावीचे निकाल जाहीर करताना दहावी, अकरावी आणि बारावी या तिन्ही वर्गाचे गुण ग्राह्य धरले जाणार आहेत. ...

आंतरराष्ट्रीय नाणे निधी पाकिस्तानला कर्ज देण्यासाठी कचरत आहे. ...