Latest Marathi News

कोल्हापूर : राज्य परिवहन विभागाने २०१९ च्या पूर्वीच्या वाहनांना 'उच्च सुरक्षा नोंदणी क्रमांक पाटी' (एचएसआरपी) बसविण्यासाठी ३१ डिसेंबरची मुदत दिली आहे. असे असूनही अनेक सरकारी वाहने, अधिकाऱ्यांच्या सेवेतील वाहने किंवा सरकारने भाड्याने घेतलेल्या कंत्राटी वाहनांना या नवीन नंबरप्लेट लावलेल्या नाहीत. त्या खुलेआम रस्त्यांवर फिरत आहेत.सरकारी मालकीच्या चारचाकी वाहनावर जुनीच नंबरप्लेट दिसत आहे. जिल्ह्यात अद्याप सुमारे ३ लाख ६८ हजार वाहनांची अद्याप नोंदणी झालेली नाही. जिल्ह्यातील नऊ लाखांपैकी केवळ ४ लाख ३ हजार ३८१ वाहनांना नंबरप्लेट बसविल्या आहेत. राज्यात २०१९ पूर्वी नोंद असणाऱ्या वाहनांना या नंबरप्लेटची सक्ती केली आहे. त्यासाठी दोन ते तीनवेळा मुदतवाढ दिली.जिल्ह्यातील ५ लाख ४१ हजार ३६८ वाहन मालकांनी नंबरप्लेटसाठी नोंदणी केली होती. त्यापैकी ४ लाख ३ हजार ३८१ वाहनांना नंबरप्लेट बसविल्या आहेत. नोंदणी करुनही सुमारे १ लाख ३७ हजार ५६६ वाहने नंबरप्लेटच्या प्रतीक्षेत आहेत. त्यात सरकारी मालकीच्या वाहनांची संख्याही अधिक आहे. बहुतांशी सरकारी कार्यालयांनी भाड्याने घेतलेल्या कंत्राटी वाहनांना नंबरप्लेट नाहीत.दंडाची तरतूदया नंबरप्लेटसाठी नोंदणी केल्यावर नंबरप्लेट ९० दिवसांत बसविली नसल्यास वाहनधारकांनी भरलेले शुल्क बुडणार आहे. त्यामुळे नंबरप्लेट बसविण्यासाठी नेमलेल्या एजन्सीने तातडीने नंबरप्लेट बसवाव्यात, अशी वाहनधारकांकडून मागणी होत आहे. एचएसआरपी नंबर प्लेट नसल्यास एक हजार रुपयांचा दंड केला जाणार आहे.एचएसआरपी नसल्यासएचएसआरपी नंबरप्लेट नसल्यास संबंधित वाहनांचे आरटीओतील रिपासिंग, कर्जाचा बोजा चढविणे, कमी करणे आदींसह कोणतेच काम होणार नाही. त्यामुळे या नंबरप्लेट बसविणे वाहनधारकांना बंधनकारक आहे.२०१९ च्या पूर्वीच्या वाहनांना एचएसआरपी नंबरप्लेट बसविण्यासाठी ३१ डिसेंबरपर्यंतची मुदत दिली आहे. मात्र, अद्याप बहुतांशी वाहनांनी बसविलेली नाही. त्यांनी तत्काळ बसवून घ्यावी, अन्यथा परिवहन विभागाकडून त्यानंतर आलेल्या आदेशानुसार कारवाई केली जाणार आहे. - संजीव भोर, प्रादेशिक परिवहन अधिकारी

koyna dam water level कोयना, नवजा आणि महाबळेश्वरचा पाऊसही अडीच हजार मिलीमीटरच्या उंबरठ्यावर पोहोचला आहे. ...

दर पावसाळ्यात तुटतो जगण्याचा मार्ग : वट्रा खुर्द पूल प्रशासनाच्या दुर्लक्षात ...

Chandrapur : बिबी-वनसडीत, तर बाखर्डी, तळोधी आवाळपुरात ...

Nitish Kumar vs Tejashwi Yadav, Bihar Politics: बिहार विधिमंडळाच्या पावसाळी अधिवेशनात रंगला वाद ...

Vidya Balan : अभिनेत्री विद्या बालनने अलीकडेच एक फोटोशूट केलं. त्यात तिने वजन घटवल्याचे पाहायला मिळाले. ...

लावणी की डीजे गाणी वाजवायची यावरून दोन गटांत वाद झाला आणि त्यातून गोळीबार झाल्याची चर्चा आहे. ...

बॉयफ्रेंडला धोका दिल्याची जोरदार चर्चा रंगली. ...

भारत नेपाळ सीमेवर जमावाच्या हल्ल्यानंतर गोळीबार झाला असून यामध्ये काही जण जखमी झाले आहेत. ...