Latest Marathi News

पुणे : पुणे जिल्ह्यातील बारामती नगरपरिषदेत अजित पवारांच्या राष्ट्रवादी काँग्रेसने वर्चस्व कायम ठेवलं. बारामतीत सर्वाधिक नगरसेवक राष्ट्रवादीचे निवडून आले आहेत. तर नगराध्यक्षही राष्ट्रवादीचा झाला आहे. मात्र अजित पवारांच्या बारामती बालेकिल्ल्यात बसपाचा हत्ती सुसाट धावला. अवघ्या एकवीस वर्षांची तरुणी नगरसेवक बनली. बारामतीतील प्रभाग क्रमांक १४ मधून संघमित्रा काळुराम चौधरी या विजयी झाल्या आहेत. केवळ एकवीस वर्षांची संघमित्रा यांनी आपल्या वडिलांचं स्वप्न पूर्ण केलं. त्यांनतर तिचं सर्वत्र कौतुक होऊ लागल आहे. बारामतीत संघमित्राची बसपा कार्यकर्त्यांनी थेट हत्तीवरून मिरवणूक काढली.अजित पवारांच्या बालेकिल्ल्यात या युवतीने स्वतःला सिद्ध करून दाखवलं आहे. ती सर्वोच्च न्यायालयात वकिली करत असून तिला उत्तम ज्ञान असल्याचा विचार करत लोकांनी नगरसेवक बनवले. आता इथून पुढे समाजाच्या समस्या सोडवण्यासाठी ती प्रयत्नशील राहणार आहे. आपल्या प्रभागापासून सुरुवात करत विकासाची वाट धरणार आहे. अजित पवारांनी बारामती झोपडीमुक्त करण्याचे स्वप्न पाहिले आहे. त्याची सुरुवात आमच्या प्रभागातून करणार असल्याचे तिने सांगितले आहे. काळुराम चौधरी हे बहुजन समाज पक्षाचे राज्याचे महासचिव असून मागील अनेक वर्षांपासून राजकारणात सक्रिय आहेत. त्यांनी यापूर्वीही नगरपरिषदेसह विधानसभा व लोकसभेचीही निवडणूक लढवली आहे. यांना एकदाही यश मिळालं नव्हतं. पवार कुटुंबाचे कट्टर विरोधक म्हणून ओळख असलेल्या चौधरी यांच्या लेकीने त्यांचे हे स्वप्न पूर्ण केले. यंदा त्यांनी थेट नगराध्यक्षपदाची निवडणूक लढवली. बसपाच्या तिकिटावर चार ठिकाणी उमेदवार उभे केले. दिल्लीत वकिली करणाऱ्या मुलीला बारामतीत बोलावून घेत तिला उमेदवारी दिली. उच्चशिक्षित मुलीनेही दमदार भाषणे करत प्रभाग गाजवला. थेट राष्ट्रवादीच्या उमेदवाराचा पराभव तिने केला. वयाच्या २१ व्या वर्षीच ती नगरसेवक झाली आहे.सगळ्या बारामतीकरांचं आभार व्यक्त करतो मला बारामतीकर आणि माझ्या बहुजन समाज आहे. त्या बहुजन समाजानी जे माझ्या लेकीला आज विजयी केलेलं आहे. त्याच्याबद्दल मी प्रथमतः सगळ्या बारामतीकरांचं आणि प्रभाग क्रमांक चौदामधील सर्व मतदारांचा हात जोडून आभार व्यक्त करतो. हा संघर्ष जो संघर्ष आहे हा महात्मा ज्योतिबा फुलेंपासून सुरू झालेला आहे. तेव्हा शाहू महाराज, बाबासाहेब कांशीराम आणि माझ्या लेकीला जे आहे हे बहुजन समाज पार्टीचे राष्ट्रीय अध्यक्ष आकाश आनंद साहेब यांनी दिल्लीवरून बारामतीला पाठवली होती. आकाश टीम बनायला देशात सुरुवात झालेली आहे. SC, ST, OBC सर्व मराठा बांधवांचं देखील माझ्या प्रभागामध्ये होती. मला त्यांनी सहकार्य केलं. त्या सर्वांचे आभार! - काळुराम चौधरी

महाराष्ट्राची लोकप्रिय गायिका वैशाली माडे (Vaishali Made)तिच्या फेसबुक पोस्टमुळे चर्चेत आली आहे. ...

यूपीएससीच्या मुलाखतीत विचारण्यात आला प्रश्न; तुम्हाला माहित्येय का उत्तर ...

सिलेंडरचा काही भाग वाऱ्याच्या वेगाने उडून ९०० फुट अंतरावर जाऊन पडला होता... ...

दाम्पत्य नागपूर येथील रहिवासी असून, त्यांचे २०१५ मध्ये लग्न झाले. मतभेदामुळे ते काही वर्षांनंतर विभक्त झाले. ...

Crime News : एका व्यक्तीने पत्नीचा बदला घेण्यासाठी असं पाऊल उचललं. जे ऐकल्यावर तुम्हालाही मोठा धक्काच बसेल. ...

कोरोनाने मृत्यू झालेल्यांच्या ५० हजारांच्या अनुदानासाठी तीन तीन अर्ज ...