Latest Marathi News

फिफा निवडणूक : जॉर्डनच्या प्रिन्स अली बिन यांची दुसऱ्या फेरीपूर्वी माघारझुरिच : वादाच्या भोवऱ्यात अडकलेल्या आंतरराष्ट्रीय फुटबॉल महासंघाच्या (फिफा) अध्यक्षपदी सॅप ब्लाटर यांची पाचव्यांदा निवड झाली आहे. जॉर्डनचे प्रिन्स अली बिन अल हुसेन यांनी दुसऱ्या फेरीपूर्वी माघार घेतली.स्वित्झर्लंडमधील झुरिच शहरात झालेल्या या निवडणुकीकडे संपूर्ण जगाचे लक्ष लागले होते. गेल्या दोन दिवसांपासून भ्रष्टाचार आणि लाचखोरी प्रकरणात फिफा गाजत होती. आज (शुक्रवारी) झालेल्या निवडणुकीत पहिल्या फेरीत ब्लाटर यांना १३३ तर प्रिन्स अली यांना ७३ मते पडली. ७९ वर्षीय ब्लाटर यांना पूर्ण बहुमतासाठी पहिल्या फेरीत १४० मतांची आवश्यकता होती. पण ही त्यांची संख्या पूर्ण न झाल्याने दुसरी फेरी होणार हे नक्की झाले होते. पण दुसरी फेरी सुरू होण्यापूर्वीच प्रिन्स अली यांनी माघार घेतली आणि ब्लाटर हे पाचव्यांदा जगातील सर्वात श्रीमंत असलेल्या क्रीडा संस्थेच्या अध्यक्षपदी पुन्हा विराजमान झाले.या निवडणुकीमध्ये आफ्रिका विभागाचे ५४, युरोप विभागाचे ५३, एशिया विभागाचे ४६, नॉर्थ व सेंट्रल अमेरिकचे ३५, ओसेनियाचे ११ व साऊथ अमेरिकेचे १० असे एकूण २०९ मते होती. मतदान सुरू होण्यापूर्वी युरोपीयन देशांनी आपली ५३ मते तर आॅस्ट्रेलियाने आपले मत प्रिन्स अली यांना देणार असल्याचे जाहीर केले होते. तर दुसरीकडे आफ्रिकन आणि एशियन विभागाच्या अधिकाऱ्यांनी आम्ही ब्लाटर यांना मतदान करणार असे सांगितले होते. याचबरोबर न्यूझीलंड, कॅनडा, अमेरिका या दिग्गज देशांनी सुद्धा ब्लाटरविरोधात मतदान करणार असल्याची घोषणा केली होती. (वृत्तसंस्था)

पंतप्रधानांच्या हस्ते पाचव्या आणि सहाव्या मार्गीकेचे लोकार्पण आणि उपनगरीय नवीन रेल्वेसेवांचा शुभारंभ ...

शिराळा शहरासह तालुक्यात बिबट्या पाठोपाठ आता गव्याचा वावर वाढला ...

हे स्मार्टवॉच तुमचं ब्लड-प्रेशर मॉनिटर करू शकतं. ताण कमी करण्यासाठी रिलेक्सेशन आणि ब्रीदिंग टेक्निक सांगतं. ...

सिंधुदुर्ग जिल्हा मध्यवर्ती सहकारी बँकेच्या स्वीकृत संचालकपदी नितेश राणेंची बिनविरोध निवड करण्यात आली आहे. ...

अज्ञात माथेफिरुविरोधात पोलीस ठाण्यात तरुणीचा विनयभंग केल्याचा गुन्हा दाखल ...