Latest Marathi News

गाझियाबाद - उत्तर प्रदेशातील गाझियाबादमधील वैशाली येथे एका मुलीचा संशयास्पद मृत्यू झाल्याची घटना समोर आली आहे. गुरुवारी रात्री उशिरा २३ वर्षीय जिम रिसेप्शनिस्टचा मृतदेह खोलीत पंख्याला लटकलेल्या अवस्थेत पोलिसांना आढळला. पिंकी गुप्ता असं या तरुणीचे नाव असून ती गेल्या चार वर्षांपासून साकिब नावाच्या तरुणासोबत रिलेशनशिपमध्ये होती. पिंकीच्या कुटुंबीयांनी साकिबवर हत्येचा आरोप केला असून तो घटनेनंतर फरार झाला होता.पिंकीच्या कुटुंबीयांनी मृतदेह पोलिस ठाण्याच्या बाहेर ठेवलापोलिसांनी सांगितले की, पिंकी दिल्लीतील गाझीपूर येथील रहिवासी साकिब खानसोबत लिव्ह-इन रिलेशनशिपमध्ये राहत होती. घटनेनंतर आरोपीने खोलीला कुलूप लावून पळ काढला. हत्येचा आरोप करत कुटुंबीयांनी मृतदेह पोलिस ठाण्याबाहेर ठेवून गोंधळ घातला. पोलिस कारवाई करत नसल्याचा आरोप करत पालक व इतर लोकांनी गोंधळ घातला. आपल्या मुलीला घरी परत यायचे आहे पण तरुणाने तिला धमकावले आणि जाऊ दिले नाही असा आरोप तिच्या आईने केला. सुमारे अडीच तास नातेवाइकांनी पोलिस ठाण्याबाहेरच थांबले.दोघेही चार वर्षे एकत्र राहिलेगुरुवारी रात्री ११.३० च्या सुमारास मुलीने गळफास घेऊन आत्महत्या केल्याची माहिती मिळाली, त्यानंतर पथकाने घटनास्थळ गाठून घटनेचा तपास केला. पोलिसांच्या तपासात वैशाली येथे राहणारी पिंकी जीममध्ये रिसेप्शनिस्ट असल्याचे निष्पन्न झाले. जिममध्येच तिची गाझीपूरमधील एका तरुणाशी ओळख झाली. वैशाली येथे भाड्याच्या खोलीत दोघे चार वर्षांपासून एकत्र राहत होते. गुरुवारी रात्री दोघांनी एकत्र जेवण केले. दरम्यान, साकिब खोली बंद करून बाहेर गेला. रात्री उशिरा शेजाऱ्याने खोलीत मुलीचा मृतदेह पंख्याला लटकलेला पाहिला आणि पोलिसांना माहिती दिली.डायरी महत्त्वाच्या गोष्टी उघड करू शकतेपोलिसांनी घटनास्थळी पोहोचून मृतदेह खाली उतरवून ताब्यात घेतला. घटनास्थळावर एक डायरी आणि मुलीचा फोन सापडला आहे. पिंकीने तिच्या डायरीत साकिबकडून होत असलेल्या अत्याचाराची माहिती लिहिली आहे. मात्र, याची पुष्टी होणे बाकी आहे. सध्या तपास सुरू असल्याचे पोलिसांनी सांगितले. पिंकीच्या भावाच्या तक्रारीवरून गुन्हा दाखल करून आरोपीला अटक करण्यात आल्याचे एसीपी स्वतंत्र सिंह यांनी सांगितले. आरोपीची चौकशी करण्यात येत आहे. शवविच्छेदन अहवालाची पोलिसांना प्रतिक्षा आहे.पिंकीचे वडील फळविक्रेतेजिम रिसेप्शनिस्ट पिंकीचे वडील राजू गुप्ता आपल्या कुटुंबासह वैशाली सेक्टर-३ मध्ये राहतात. ते पश्चिम दिल्लीतील हसन पार्क येथे राहत होते आणि पाच वर्षांपूर्वी वैशाली येथे आले होते. फळे विकून ते आपल्या कुटुंबाचा उदरनिर्वाह करतात. आईने आरोपीवर तिची मुलगी पिंकीची हत्या केल्याचा आरोप केला असून आरोपी साकिबला फाशी देण्याची मागणी केली आहे.

सुख म्हणजे नक्की काय असतं मालिकेतील कलाकाराने सोशल मीडियावर साखरपुड्याचे फोटो शेअर केले आहेत. ...

चीनने स्वायत्त तिबेट क्षेत्र आणि अरुणाचल प्रदेश दरम्यानच्या वादग्रस्त भागात गाव वसवल्याचे सांगितले जात आहे. ...

NCB Raid on Mumbai Cruise Rave Party: २ आणि ३ ऑक्टोबरचा हा चॅट आहे. त्यात प्रभाकर साईलला किरण गोसावीने मेसेज पाठवले होते. ...

मायक्रोसॉफ्टनं (Microsoft) एक स्वस्त आणि मस्त लॅपटॉप बाजारात आणला आहे. Surface Laptop SE असं या लॅपटॉपचं नाव देण्यात आलं आहे. ...

Venkatesh Iyer, Saurav Gangul : ऑस्ट्रेलियाविरोधातील सामन्यात पराभवाचा सामना करावा लागल्यानंतर वेंकटेश अय्यरला बसला होता धक्का. ...