Latest Marathi News

एटीएममधून पैसे काढल्यानंतर तुम्हीही कॅन्सल बटण दाबता का? तुम्हालाही असे वाटते का, की कॅन्सल बटण दाबल्यानंतर तुमचा पासवर्ड आणि तपशील डिलीट होईल? जर हो, तर त्याचा खरंच किती फायदा होतो ते पहा. एटीएम सुविधा आल्यापासून, खूप कमी लोक बँकेत पैसे काढण्यासाठी जातात. कारण, एटीएममधून पैसे काढण्यासाठी तुम्हाला फक्त डेबिट कार्ड आणि पासवर्डची आवश्यकता असते. त्यानंतर, काही क्षणात पैसे हातात येतात. पैसे काढल्यानंतर, काही लोक पावती घेतात आणि घरी परततात. तर काही जण कॅन्सल बटण दाबून मग एटीएममधून बाहेर पडतात. एटीएम मशीनमधून कॅश रक्कम काढण्यासाठी अनेकदा रांग लागते. आपल्या पाठोपाठ दुसरा कोणी येईल आणि आपण फीड केलेल्या माहितीचा गैरवापर करेल या भीतीने अनेक जण कॅन्सल बटण दाबतात. तसे केल्याने आपली माहिती रद्द होईल आणि फसवणुकीचे प्रमाण कमी होईल असे अनेकांना वाटते, पण त्यात काहीच तथ्य नाही!भारत सरकारची एजन्सी असलेल्या प्रेस इन्फॉर्मेशन ब्युरोने व्हायरल व्हिडिओबद्दल सत्य सांगितले. पीआयबीने म्हटले आहे की, कॅन्सल बटण दाबल्याने पिन चोरी होण्यास मदत होत नाही. तसेच, व्यवहार केल्यानंतर मशीनमधील बँकिंग तपशील आपोआप हटवले जातात, अशा परिस्थितीत कॅन्सल बटणाची भूमिका नसते. तरी कोणती सावधगिरी बाळगावी?एटीएम वापरण्यापूर्वी कोणत्या गोष्टी लक्षात ठेवाव्यात?कीपॅड झाकून पिन नंबर घाला:एटीएम वापरताना, तुम्ही तुमचा पिन किंवा पासवर्ड नेहमी हाताचा आडोसा घेऊन टाकला पाहिजे. अशा परिस्थितीत, जर कोणताही छुपा कॅमेरा तुमचे रेकॉर्डिंग करत असेल तर तो ते पाहू शकणार नाही. तसेच, तुमच्या आजू बाजूला आणि मागे उभा असलेला कोणीही पिन पाहू शकणार नाही.मशीन तपासा: जेव्हा तुम्ही एटीएममधून पैसे काढायला जाता, तेव्हा त्याचा कार्ड स्लॉट आणि कीपॅड नीट पहा. जर कार्ड स्लॉट विचित्र, सैल किंवा असामान्य दिसत असेल तर तुम्ही त्या एटीएमचा वापर टाळा.बँकेचा एसएमएस तपासा: एटीएम वापरल्यानंतर, रद्द करा बटण दाबण्यावर लक्ष केंद्रित करू नका, तर सुरक्षित व्यवहारांवर लक्ष केंद्रित करा. यासाठी, पैसे काढल्यानंतर, बँकेचा एसएमएस तात्काळ येतो, तो नक्कीच तपासा. याशिवाय, नेहमी बँकेचा एसएमएस सक्रिय ठेवा आणि कोणताही संशयास्पद व्यवहार झाल्यानंतर ताबडतोब बँकेशी संपर्क साधा.

ओमायक्रॉनच्या संसर्गाची दहशह जगभरात पसरत असताना आता या दहशतीचा दंश शेअर बाजारांनाही झाला आहे. ...

भारतातील अनेक नामवंतांनी करमुक्त देशांत कंपन्या स्थापन केल्याची माहिती पनामा कागदपत्रांतून उघड झाली होती. ...

घरात ४४ प्रकारचे १४५ तोळ्याचे सोन्याचे दागिने; अखेर भ्रष्टाचारी तुकाराम सुपे याला सरकारने केले निलंबित ...

क्रीडा विभागाच्या अहवालातील धक्कादायक माहिती, पेपरफुटीनंतर आता बोगस नोकरभरतीचे प्रकरण ...

सोशल मीडियावर सिंहाचा झडप मारतानाचा व्हिडिओ चांगलाच व्हायरल होत आहे. ...